حوار بين ربنا ونفسى
انا: هو انا يارب غالى عليك؟
ربنا: انت عندك شك فى كده؟
انا: يعنى حاسس باللى جوايا؟
ربنا: لا انا مش حاسس باللى جواك دا انا....
انا: شفت..عشان لما اقول انك مش حاسس بيا يبقى تصدقنى
ربنا: هو انت عطيتنى فرصه اكمل كلامى
انا: يعنى هتكون عايز تقول ايه تانى ماخلاص كل شئ بان
ربنا: يابنى ليه بتصعبها على نفسك انا كنت هقولك انا مش حاسس باللى جواك داانا حاطط نفسى مكانك فى فرق
انا: يعنى ايه الكلام دا وضح اكتر
ربنا: يعنى ياحبيبى ال اه اللى بتوجع فيك من جوه دى بتوجعنى
وكمان تنهيدتك دى انا بتطلع من جوايا ودمعتك اللى نازله على خدك كل يوم دى انا حاسس بيها
انا: يااااااااااااااااه معقول؟؟؟!!!!!!!!!!
ربنا: لسه برضو مش بتصدقنى؟؟! نفسى تصدقنى مره واحده واوعدك مش هتندم
انا: بس الحمل تقيل اوى عليا كتافى خلاص معادتش مستحمله
ربنا: هات عليا وارمى ومتخافش خليك واثق فيا انا بشتغل فوق حتى لو بان ليك انى ساكت ومبشتغلش
انا: ياريت يارب متتأخرش عليا
ربنا: استنانى ومتخااااااااااااااااااااافش لانى اكيد هجيلك حتى لو فى الهزيع الرابع من الليل لكن تأكد هاجى وافرحك افراح تدوم كن واثق فيا.
