ابنك يارب

[بنتك انا]

زهقان يارب ابنك تعبان . شايل فى قلبه احزان

تعبان ومش لاقي راحة . اتخنقت من الدنيا بصراحة .

كل ما اقول يا فرحة . ييجي الحزن ولابس طرحة .
...
يارب انا مهموم انا حزين . شيل عني وشيل عن الملايين .

يا الهى انا ماليش غيرك . انت اللى بتهتم بطيرك .

انا يارب طيرك . انا يارب الخروف الضال .

يا مخلص انت الفادي . لحد امتى هفضل انادى ؟

يارب انا مخنوق الدنيا وحشه . والحال مزنوق .

يارب انت الراعي . مين غيرك عايش لسماعي .

اسمع يارب صوت ندائي . حس بوجعي حس بتعبي .

امسح يارب الدمعه من على خدي . احسن خلاص فى الحزن ماحدش قدي .

سيبنى يارب اعيش فى حضنك . اتهمني وافرح وابقى ابنك .

ادينى يارب اسباب تفرحني اسباب تهنيني . مش علل تبكيني .

يارب انا تعبان انا زهقان انا قرفان .

انت قادر على تغييري . غير حياتي واسلوب تفكيري .

ارحمني انا خاطي . بس طفل فى اول خطواتى .

انا بعتب عليك مش عشان حاجة . انا روحي لحضنك محتاجة .

انا بناديك مش فى وقت العوزة بس . انا عايزك تفكر فيا وبيا تحس .

قلبي مليان احزان . ليا مين غيرك انت يا حنان .

ياسيدي اسمع صلاتى اسمع اهاتى استجب لصراخاتى .

انا ابنك الخاطى . بس!!!!

تعبان وزهقان

من يسوع لكل قلب تعبان :

سألت كتير نفسي ســــيبنى ليه يا يسـوع


وأزاى تسمح ليأسى يســـكن بين الضـلوع


وأزاى أكون أنا ليك وقــلبي أنا مـوجوع


تجارب العالم كويتني بنــارها يا يـــسوع


مشتاق أشوف أنا أيدك تــرشدني للـرجوع


يا بويا أنا مسـتني بصرخة قلـبي المــوجوع


ودمـوعي بقيت علامة لضـعفي يا يـــسوع


أمسح لي دمع عيوني وأروينـى من الـينبوع


من غيرك انا تايه في طريق من غير رجــوع


يارب ليه نسيني دا انا ابنك وقلبي موجــوع


وظنيت بأني وحــدي وفضلت أنادى ربـى


وفاجأه جاني صوت وقالي مالك خايف يابنـى


وبكيت بحرقه قلـبـي هو أنت فكرني ياربى


رد عليا وقــالي ده ضعـف أيـمان يا أبنى


انا واقف هنا جانبك من قبل ما تنــده يابنى


خوفك عدم إيمان وتعبك ملوش مكـان


دا أنت في قلبي مهما طـال الزمــان


دا انا سمحت لك بالتجربه وطلعت غلبان


تبكى وتقول انا سيبتك بقى دا اسمه كلام يا انسان


اسيب ابنى يدور فى طواحين المكان


دا انا سميتك ابنى ودعيتك ليا يا انسان


وكرمتك واديتك نعمه تقوى الابدان


خليك فاكر ياابنى لو دورت فى اى مكان


ما تلاقى قلب يضمك غير قلب ابوك الحنان


ولوهاجت الدنيا حوليك انا واقف جانبك يا انسان


حياتك ليها عندى خطه اتقبلها بحب وامان


دا انا مت بدالك انت واتحملت كل الاهوان


واخره تقول انا سيبتك عيب عليك يا انسان



من ابوك حبيبك... كلمه لكل قلب تعبان

[Mary Naeem]

مشاركة جميلة جدا

ربنا يبارك حياتك

[بنتك انا]

ميرسى يامارى لمرورك ربنا يباركك