زاوية تأمل...

[walaa farouk]

جمعت ثلاث صور فى مراحل حياة الدكتور عماد إللى اصبح ابونا ثيؤدور الانطونى ثم اصبح الانبا انطونيوس مطران الكرسى الاورشليمى وهما ثلاث مراحل مهمين تأملت إنسان عادى علمانى محدش يسمع عنه حاجه ولا يعرفه دكتور صيدلى والده قمص وأخواته قساوسة اتربى فى جو أسرى دافئ يعرف ربنا وبيعيش فى مخافته (عماد) واكيد أصحابه كانوا بيقلوله يا عمده ...عمده راح وعمده جه لحد ما فى مرة عمده راح ومجاش علشان قرر يقضى باقى حياته فى الدير وأصبح عمده راهب فى دير الأنبا انطونيوس باسم ابونا ثيؤدور
اهو انا أكتر دير رحته مع رحلات هو دير الأنبا انطونيوس وعمرى ما تخيلت بيه
جايز اوى انت كمان لو كنت معدى من جنبه مترفعش ايدك وتسلم عليه وتعمل نفسك بتلعب فى الموبايل وجايز كمان لو قررت تسلم عليه لمحت من بعيد الأنبا يسطس رئيس الدير معدى تغير رائيك فى ثوانى وتجرى على رئيس الدير بس اكيد كان بيجيله زيارات من أهله وحبايبه إللى كانوا بيقولوله اتوحشتنا اوى يا ابونا (لايجه عليك الدجن) متنسناش فى صلاتك وينهوا كلامهم وهما ماشين بكلمه (هنبجى نيجى نزورك وناخد بركة الدير تانى ) لكن خطة ربنا مكنتش خلصت لسه علشان كان راسمله حيلة تانية فى مكان تانى خالص باسم الأنبا انطونيوس مطران الكرسى الاورشليمى رهبه كبيرة وبركة اكبر وسافر دكتور عماد قصدى ابونا ثيؤدور قصدى الأنبا انطونيوس إلى أورشليم حيث موضع خدمته وبدل ما كان بيطلع المغارة ويزور عين المية بقى بيزور القبر والمزود والجلجثة والسجن ومكان الجلد وغيره من أماكن مقدسة ويصلى قدامهم شخص كان بيصلى على مذبح الله اصبح يصلى أمام قبره صحيح خدمة كلها بركة لكن كلها حروب أيضا ندعى لربنا أنه يسنده
ربنا راسم لكل واحد خطة
جرب كده تجيب صورك وانت صغير وتتامل فيها هتقول ياااه بقى وانا صغير كده كنت ممكن أتخيل ابقى فى الوضع إللى انا فيه دلوقتي فيه ناس سايبه حياتها على ربنا وراضيه بكل إللى يعمله فيها
زى يوسف وداود ودانيال وغيرهم
الناس دى مجد ربنا بيبان فى حياتهم بسرعة عجيبة ومنهم دكتور عماد قصدى الأنبا انطونيوس إللى ايام وينام فى اقدس مكان اعتقد مكنش يحلم أنه يزوره ولو صدفه
الزيارة اتحولت لحياة هيقضيها قرب حبيبه مش معنى كده ان الرهبان إللى ربنا مختارهمش للكرسى ده يبقوا مسلموش حياتهم ليه
اكيد خطط ربنا واضحة معاهم فى مواقف أكتر واثق لو دخلت جواها هكتب قصص
انت كمان سلمله حياتك عن رضا وشوف راح تبقى ايه

[Mary Naeem]

انت كمان سلمله حياتك عن رضا وشوف راح تبقى ايه

روووووووووووعة يا قمر

[walaa farouk]

ميرسي على مرورك الجميل مارى