تابع لموضوع ماري عن فيه حد مخنوق هنا

[نرمين واصف]

ساعات تلقي الخنقة بلا اسباب وساعات بأسباب
بلا اسباب داخلية
بأسباب سببها الخارج
بس في كل الأحوال تجري تحت الصليب وتبكي وتصلي ومع الوقت تلقي الخنقة اختفت مع انتهاء الصلاة
بس الموضوع في النعمة اللي تشد وتجذب المخنوق في وسط خنقته اصله ممكن من خنقته يفضل ساكت ومش بيتكلم
سؤالي بقة
هل في سكوته بضيقته ده يبقي صلاة ولا ده قاعدة وخلاص
يعني ربنا تبارك اسمه معتبر السكوت ده صلاة ولا لا
سؤالي التاني
لو واحد مخلوق وبيضغط علي نفسه يصلي بأصوات مرتفعة بضغطة انفعالية أو بإنفعال مصطنع هل ده يعتبر صلاة مقبولة ولا لأ
ردوا عليا يالا وجاوبوني
ربنا يبارككم

[Mary Naeem]

بصي يا نرمين

اكيد ربنا حاسس بينا

وعارفة ايه اللي عاوزين نقوله من غير ما نقوله

وربنا لما بيبعت ضيقة او خنفة

عارف ومتأكد اننا نقدر عليها

وبتكون منه علشان نبص عليه ونكلمه

حتى لو كنا مخنوقين وزعلانين

ونزعق ونعلي صوتنا ونعاتبه

هتلاقي في لحظة يبعت تعزية جميلة

بيقولك انا هنا معاكي متخافيش

بس انت بعتي شوية عندى وانا بلفت نظرك ليا

وتلاقي ايده بطبط عليكي

تعرفي يا نرمين في مرضي الاخير

انا تقريبا كنت مشلولة مش قادرة احرك ايدي او رجلي

فعاتب ربنا وقلتله ليه كدا يارب دا انا كل سنة بدخل العمليات مرتين وساعات 3 مرات

هي كمان ناقصة شلل في جميع اطرافي

تعرفي في المحنة دي عرفت اد ايه الناس اللي حوليه يحبوني وبخافوا عليه

شفت كل اصحابي راحوا الكنيسة يولعوا شمعه ويحطوا اسمي على المذبح

لقيت ايدي ربنا معايا وابتدأت اتحرك

صدقيني لازم نشكر ربنا على كل حاجة

ربنا معاكي

[نرمين واصف]

ربنا يبارك في صحتك ياماري ياحبيبتي شفاء في كل شئ

اد ايه اختبارك عظيم وده دليل علي امانتك في خدمتك للرب يسوع
لما الدنيا حوالينا تبقي هايجة يبقي فيه صح متضايق منه عدو الخير
ودي وحدها بتبقى تعزية اني ماشي معاك يارب يسوع فمرحب بكل أتعاب وكأنك بتشاركي الرب يسوع في الامه واهاته أو انحنائه تحت الصليب
ربنا يكمل شفاكي ياماري ياحبيتي اتمني تكوني بصحة جيدة دايما وتنوري خدمتك ويزيدك نعمة وسلام
أشكرك علي رد ك المعزي