يادوب كام ساعة و تنتهي السنة دي

[Ramez5]

فاضل كام ساعة !
"يادوب كام ساعة و تنتهي السنة دي .."

دي معلومة لطيفة بالنسبة للي هيسمعها و كل تفكيره في ان السنة هي اللي هتخلص .. معلومة بتقول اننا هنحتفل بقي و نتبسط و نقضي وقت جميل و نعمل كل حاجة تخلينا مبسوطين ..
آمال لو حد سمع المعلومة دي و افتكر ان عمره هو اللي هيخلص .. هيحس ساعتها بأية ؟؟؟
اكيد هيصلي بشكل عمره ما صلي بيه قبل كدة و هيجري يخدم كام واحد مريض و هيلحق بسرعة يساعد كام واحد محتاج و بالمرة هيقدم فلوس لكام واحد فقير و هيفتكر بسرعة انه يصالح كام واحد كان مزعله في حياته حتي لو مش مقتنع انه غلطان ..
اكيد ساعتها بقي بعد ما يخلّص كل ده هيقعد مرتاح و مستني ان عمره يخلص في اي وقت لانه خلاص عمل كل حاجة ربنا قال عليها حتي ولو كانت اتعملت في مجرد شوية ساعات .. المهم انها اتعملت وخلاص .. ضميره بقي مرتاح انه عملها .. وانه قام بكل الواجبات اللي كان لازم يقوم بيها ..
بس للأسف .. في الزحمة دي كلها نسي يعمل كل ده ب حب .. نسي في وسط مشغولياته بوصايا ربنا و تنفيذها انه يحب ..
أعماله كانت كتيرة و حلوة ومفيش فيها غلطة .. لكن كانت ناقصة الحب ..
لان ربنا في النهاية مش هيقعد يعد كام عمل حلو هو عمله ولكن هيقعد يدور علي المحبة الحقيقية في وسط كل الاعمال دي ..

" عندما نموت سيأتي وقت يحاسبنا الله و هو لن يسأل كم عدد الأشياء الجيدة التي عملناها في حياتنا بل سيسأل عن مقدار الحب الذي وضعناه في هذه الاعمال "
الام تريزا

[Mary Naeem]

ربنا يبارك حياتك

[walaa farouk]

ميرسى على مشاركتك الجميلة والرائعة