مميزات البنت السينجل ..

[روشا الفرفوشه]

مميزات البنت السينجل ..
1 _ محدش بيمشي كلمته عليها
2 _ مستبيعه ومبيهمهاش حد
3 _ ب 100 راجل
4 _ بتلبس اللي عاجبها
5 _ بتنام بدري
6 _ مبتمسحش صحابها الولاد من ع الفيس
7 _ بتشحن كل 5 شهور مره
8 _ لو سمعت اغنيه رومانسيه بتحس انها عايشه قصة حب .. ولو اغنيه حزينه بتعيط كأنها لسه مفركشه من نص ساعه
9 _ بتجيب شكولاته لنفسها .. وبتدلع روحها
10 _ الجواز مش اقصي طموحها .. عندها احلام تانيه
11 _ اتعودت علي كلمة ( مش هنفرح بيكي بقا ؟! ) .. و مبقتش تحوق فيها
12 _ محدش بيتحكم فيها
13 _ مبتجبش هدايا لحد
14 _ صارفه نص فلوسها علي الاكل .. والنص التاني علي الدايت
15 _ عندها وقت تخرج مع صاحبتها
16 _ مش عامله باسورد لموبايلها
17 _ مبتعملش حاجه من ورا اهلها .. ولا من قدامهم
18 _ مش مستنيه الشتا ييجي عشان حد يحضنها .. دبدوبها موجود
19 _ عدت بجميع مراحل الاكتئاب ولسه عايشه
20 _ منتظره لأن الحلال أجمل
21 _ عامله ريليشن مع صاحبتها ع الفيس
22 _ مستسلمه لقضاء الله وقدره
23 _ مشهوره ف وسط عيلتها .. وخصوصآ عند قرايبها الستات العواجيز
24 _ بطلت تزور قرايبها اساسآ
25 _ قلبها لسه متجرحش
26 _ محدش كسرها
27 _ صحابها المرتبطين بيحسدوها
28 _ بتحسد صحابها المرتبطين
29 _ عندها وقت تتفرج علي افلام كارتون وتقرا روايات
30 _ بتخاف تقعد مع امها علشان متقولهاش مقولتها الشهيره : نفسي افرح بيكي قبل ما اموت
31 _ مش اي راجل بيملا عينيها .. ماشيه بمبدآ مش هصوم وافطر علي بصله
32 _ اتعودت ع الوحده
33 _ مبيتضحكش عليها بكلمتين
34 _ باقة النت بتاعتها مبتخلصش
35 _ بتحضر محاضراتها كلها .. معندهاش حد تزوغ عشانه
36 _ م البيت للجامعه وم الجامعه للبيت
37 _ معندهاش حاجه تخاف عليها .. غير نفسها
38 _ اخر مره اتأخرت فيها بره البيت كانت الساعه واحده الضهر
39 _ عايشه حياتها بمزاجها
40 _ واثقه ف ربنا وعارفه انه شايلها حاجه حلوه .. و راجل هيعوضها عن السنين السودا المنيله بنيله اللي عاشتها .. مش عارفه هو هييجي امتي .. بس هييجي ان شاء الله

"مينا مجدي"

[ميرو]

اي حاجه ل مينا مجدي
رووووووعه