تفتكر لو عشت جوه فلك نوح كنت هتعيش فرحة النجاة ولا هتعيش احساس انك محبوس ؟؟؟؟؟
تصدق دايما بنفكر فى الفلك كوسيلة النجاة ..لكن فعلا ده كان سجن ااقصد فعلا ما يقدروش يخرجوا ...يخرجوا ازاي
يروحوا فين !!! احساس غريب
فرح ولا سجن الباب مغلق من بره
مش هيقدر يطلع ربنا هو اللى قفل الباب
مجرد التفكير فى فتح الباب موت
ساعات بنعيش الاحساس ده محبوسين حتى لو جوه فلك
لان مفيش اختيار تانى مفيش بديل
هو احنا عايشين مع ربنا بجد ولا علشان مش قادرين نعيش فى العالم ولا هو غرق العالم الخاص بينا
عشان ملقناش غيره ميبقاش فيه بديل
نفس طريقة هوشع ( لذلك هانذا اسيج طريقك بالشوك وابنى حائطها حتى لا تجد مسالكها فتتبع محبيها ولا تدركهم وتفتش عليهم ولا تجدهم فتقول اذهب وارجع إلى رجلى الاول لانه حينئذ كان خير لى من الان )
حائط وسياج من الشوك
كل ده علشان نفضل معاه
هو ممكن يعمل اى حاجة علشان يقربنا منه وبعد ما نعرفه احنا اللى هنختار نقعد معاه حتى لو الباب مفتوح
نوصل لمرحلة داوود ..سفر المزامير 122-1
فرحت با لقائلين لى إلى بيت الرب نذهب
مرحلة الفلك ده بدايه بعد كده نتمنى نقعد جوه بيته طول العمر
بقى الوجود جوه بيت ربنا طلب رجاء ..امل ..فرحة هى ديه الرحلة من التغصب للتمتع
من اننا نحس ان ربنا بيحبسنا معاه ..بيحرمنا من كل حاجة حلوة علشان فشلنا فى اننا نعيش فى العالم او العالم طردنا
ملقناش نفسنا نحس اننا محبوسين جوه الفلك وبعدها بعد ما نسمع صو،ته نعرفه ننسى الحرمان ..هو اصلا مش حرمان
تعزيات ربنا افضل من كل متع العالم
ساعتها نوصل لمرحلة داوود احنا اللى نفرح ..احنا اللى نتمنى اننا نفضل معاه للابد ...من فلك نوح لفرح داوود..
