المجد لك يا محب البشر
الراجل ده رائع جدا.. كان ماشي وسط الجموع اللي حوالين ( رب المجد يسوع ) .. دايما عينيه متركزه علي وجه الرب..المفرح..المضيئ..المريح - منتبه لمعاملاته الحلوه اللي كلها.. حب..وحنان..وعطف..وغفران..وتقدير - شاف الرب يسوع اللي بيفتح أعين العميان..بيخرج الأرواح النجسه بقوة وسلطان .. ده كمان بكلمه منه ..يقيم الموتي من القبور ... الراجل ده كمان .. كان منجذب جدا جدا .. لتعاليم ( رب المجد يسوع ) .. كل كلمه تتقال يحفظها في قلبه .. يكررها في ذهنه .. يصلي بيها .. عينيه تتلاقي بعينين المسيح .. يبتسموا لبعض وسط الزحمه !! .. بيكلم الرب من داخل قلبه : " يارب أنا بحبك بجد .. بشكرك علي جمال شخصك الالهي .. أنا من يوم ما تعرفت علي شخصك الحبيب .. كل حاجه فيا ..اتغيرت..وبقيت دايما فرحان..وعايز أكلمك واسبحك واشكرك.." - من ضمن كلام الرب عن الصلاه : " إلي الآن لم تطلبوا شيئا بإسمي . اطلبوا تأخذوا ، ليكون فرحكم كاملا " (يو24.16) - بإيمانه الجميل الراسخ ابتدي يخرج شياطين باسم المسيح ..بقوة..وفرح..وجبروت..وسلطان - معلمنا القديس يوحنا الإنجيلي منعه !! وقاله : إنت مش من حقك تخرج شياطين !! لأنك مش من ضمن مجموعة التلاميذ ال12 !! وذهب الي الرب وشرح له بكل فخر..!! مافعله مع هذا الرجل. " فأجاب يوحنا وقال يا معلم رأينا واحدا يخرج الشياطين باسمك فمنعناه لأنه ليس يتبع معنا . فقال له يسوع لا تمنعوه . لأن من ليس علينا فهو معنا " (لو50،49:19) .. ولم يتوقف هذا الرجل عن محبته وخدمته للمسيح .. ( المجد لك يا محب البشر )
بنعمة المسيح
يوحنا برسوم
06 - 11 - 2015, 12:38 PM
رد: المجد لك يا محب البشر
العرض العادي
