الاحتفال بعيد | نياحة تماف ايرينى

[sama smsma]

الاحتفال بعيد | نياحة تماف ايرينى
31 / 10 / 2015

تمجيد الأم إيريني



القرار : السلام لك يا تاماف

- فى كنيسة الأبكار فى مجمع الأطهار قائمة بكل وقار
- فى سن الشباب فضلت رب الأرباب عن الأهل و الأصحاب
- تركت الأرضيات حبا فى السموات يا شفيعة فى الضيقات
- و البابا يوم رسامتك تنبأ و قالك أما تكونى لشعبك
- ينطبق قول الرسول عليك أنت يا بتول لشعبك أكملت الجهاد على طول
- فى دير أبى سيفين علمتينا الكثير من تراتيل و مزامير
- و ايرينى كان اسمك و سلام كان فعلك مع كل من طلبك
- حبيتى أبى سيفين وفى ديره خدمتى سنين بلأمانة فى كل حين
- علمت الراهبات الطاعةو الثبات فى محبة رب القوات
- المعجزات قدمتى مع كل من أراد من كل الطبقات
- قدمتى العطايا نفذتى الوصايا محبة فى رب البرايا
- أخذتى المرض صليب محبة فى الحبيب ليكون لك نصيب
- العذراء و أبى سيفين حبوك هما الأثنين لطلباتك مستجيبين
- و الناس لما شفوكى طلبوكى و نادوكى و شفيعة أخذوكى
- و عمرتى دير كرير لحبيبك فيلوباتير شهيد اللله القدير
- أحتملتى الآلام يا عروسة للديان حبيبتنا فى كل آن
- و فى أثناء سفرك الى جرجا بلدك لم يتركك وحدك
- عملتى العملية لأخو أمنا برتينيا فى أثناء العشية
- و أبونا مرقس طلب صلواتك حضرت له بنفسك
- رجعت له الحياة الدكتور لما رآه قال ده شئ من الإله
- و طول فترة مرضك دايما شاكره ربك وشكرك من قلبك
- الخاطى سامحتيه المرتد رجعتيه المكسور قومتيه
- و فى مركز الحياة أنتقلتى الى السما فى مساء يوم الثلاثاء
- أنتقلتى لحضن الحبيب مع لوقا الحبيب وهذا أحسن نصيب
- ياريت نحيا حياتك أذكرينا فى صلاتك قدام عرش إلهك
- طوباكى ثم طوباكى يا حبيبة مولاكى المسيح أتى و دعاكى
- تفسير اسمك فى أفواه كل المؤمنين الكل يقولون يا إله أمنا أيرينى أعنا أجمعين

صلاه امنا تماف الغاليه إيريني اوقات الامها
صلاه حلوه اوي

يا ستي يا عدرا...........يا ام الفرح و السرور........ يا ام الفادي
الحبيب الغالي عينيني يا ستي واشفعي فيً عند ابنك الحبيب
يا رب قويني...يا رب ساعدني يا رب ارحمني
يا رب اعطني توبه قبل ما تاخذني ....توبني قبل ما تاخذني
اشكرك يا رب يا يسوع المسيح...اشكرك..اشكرك
اشكرك يا حبيبي ...انت عارف الالام فوق طاقتي .
باستشهد ساعدني و اعني ... انا بستشهد

بركه صلواتها تكون معنا امين

من اقوال امنا ايرينى

+ اللي بيصلي كويس يبقي فرحان علي طول ويبقي عايش في الفردوس.....

+ نقاوة قلب وبساطه ومحبه نشوف القديسين....


+الواحد يتغلب علي ضعفاته بقوه ربنا....

+ المحبه تخلينا نعيش في السما......

+ اهم حاجه نعمل عمل رحمه مع بعض....

+ الواحد يشكر ربنا ويتحمل الالام.....

+القعاد مع ربنا تخلينا ناخد من صفاته.

+...قناعه....محبه...انكار الذات...بساطه...نقاوه...فرح...سلام.

+ القديسين والملايكه يسكنوا في المكان اللي فيه محبه..

+ نعطي ربنا قلوبنا ونطلب منه يرشدنا..

شفاعة البتول ام النور وتماف ايرينى كل القديسين تكون معنا .
امـــــــــيـــــن

قلب تماف


حقيقى فى انسانة كده
تماف بشر ولا ملاك السما
كونتى بنا هنا
انجيل بيعلم كلام ربنا

اسمحى ليا يا امنا
اطلب ان ترجع الازمنة
اشوفك تحكى لينا و تقولنا
حكايات تكسر ضعفنا
خبرات تجرى فى دمنا
واعطى ورقة فيها اسمنا
وتصللنا يتحقق حلمنا

عجب من عجب
ليه كده يا بشر

يا امى طلب شفاعة صلواتك
طالب احيا عشر حياتك
طلب قلب زى قلبك
قلب ساكن فيه ربك

بحبك يا تماف بحبك

[Ramez5]

تماف ايرينى
بزغت شمس حياتها فى مدينة جرجا محافظة سوهاج فى 2 أمشير 1652 ش الموافق 9/2/1936م ودعى أسمها فوزية وكانت البكر، شقيقة لأربع بنات وولدين
+الأب: يسىّ خلة
+الأم: جنيفياف متى ساويرس الفيزى [من عائلة الفيزى بالنخيلة]

مولدها المعجزى
تعثرت الأم فى ولادتها مما جعل الخواجة متى يتجة إلى كنيسة مارجرجس للصلاة من اجلها فى الوقت التى كانت تطلب هى معونة ام النور
فأضاءت الحجرة بنور سمائى بهى جداً وظهرت ام النور ومعها العظيم مارجرجس خلفها
فتقدم قديسنا وخبط بيدة بخفة على ظهرها 3 خبطات (ظهر ام تماف ايرينى) ففى الحال نزلت طفلة جميلة تلقتها ام النور على يديها ورشمتها بعلامة الصليب وقدمتها لأمها قائلة: [دى مش بتاعتكم...دى بتاعتنا،ولكن اهتموا بتربيتها]

معموديتها
فى حفل عائلى بهيج نالت فوزية سر المعمودية المقدس على يد الأنبا بطرس أسقف أخميم وسوهاج [1920م -1951م] فى دير الأنبا شنودة رئيس المتوحدين.
اخبرهم نيافتة برؤيتة للأنبا شنودة وهو يباركها عند خروجها من جرن المعمودية

[صلاة المتواضع تبلغ كما من الفم إلى أذن اللة]
(مار اسحق السريانى)

نمت فوزية مع عائلة، عرفت بالقداسة وعمق حياتها مع الرب القدوس وشركتها الحية مع القديسيين وتسربلها
بفضائل عديدة خاصة عمل الرحمة...

رأت فوزية ان ليس هناك من يهتم بتنظيف كنيسة العذراء ، ففكرت ان تمضى هى وصديقاتها ويقمن سوياً بتنظيفها....وبالفعل بذلن مجهوداً خيالياً حتى اصبحت فى صورة لائقة وكان ذلك فى يوم 21 من الشهر القبطى اى فى تذكار ام النور وقبل مغادرتهن الكنيسة ظهرت لهن ام النور وقبل مغادرتهن الكنيسة ظهرت لهن ام النور وهى تبتسم وقالت لهن:
[انا متشكرة...انا فرحانة بكم، لأنكم نظفتهم بيت إلهى وابنى، اللى على اسمى]
ثم باركتهن واختفت.

كانت فوزية مشتاقة جداً لحياة الرهبنة لذلك كانت فكرة الرهبنة تسيطر عليها وتشتغل فكرها ولكنها لم تكن تعرف طريق أديرة للراهبات...
كان عندها مقصورة فيها3 صور مدشنة لرب المجد القدوس والست العذراء والشهيد مارجرجس فكانت تنير قنديل وتضع امامهم كل يوم ورد.
كانت شديدة الأرتباط بخالتها مفيدة التى كانت تشاركها بمشاعرها لذلك اتفقنا ان الأكبر سيذهب إلى الدير اولاًَ، ثم تذهب الأخرى بعدها...
كانت مفيدة (خالتها) جميلة جداً لذلك اجبروها على الزواج وبالفعل تمت خطوبتها ولكن قبل الإكليل راحت تبكى امام صورة ام النور وتقول (هايجوزونى يا أم النور وأنا عايزة اترهبن )
فظهرت لها العذراء مريم وقالت لها : (قولى لوالدتك إن ما كنتوش ها ترضوا اروح الدير العذراء هاتأخذنى عروسة لأبنها..)
لم تصدق امها كلامها وتصورت إنها تود الهرب من الزواج، وبينما كانت مفيدة تستعد لحفل الزفاف ، شعرت بصداع شديد فوقعت وهى نازلة على السلم وماتت فى الحال......
وعندما علمت فوزية (وهى بنت اختها _وهى أيضاً الأم تماف ايرينى) بخبر انتقالها تعبت جداً وبكيت بمرارة وحرقة..فرأت فى رؤيا: عذارى كثيرات منيرات فى ثياب بيضاء ومعهن خالتها مفيدة...ففرحت بها جداً ودار بينهما هذا الحديث :

كدة برضة تعيطى علىّ .. دة انا مبسوطة فى الفردوس ومكانى جميل جداً واجمل حاجة فية ربنا يسوع اللى سمح لك تشوفينا تتعزى وتفرحى وتبطلى بكاء.
فوزية : مين اللى معاكى دول؟!
مفيدة : كل دول عذارى كان نفسهم يترهبنوا ولم تتحقق لهم هذة الرغبة، فعاشوا بطهارة وجاهدوا فى العالم وربنا حسبهم كأنهم ترهبنوا بالضبط واحنا رايحيين نزور القديسة دميانة والأربعين عذراء ونعيد معاهم..

فوزية : طيب انا عايزة آجى معاكى .
مفيدة : استأذنى ماما فى الأول.
فوزية : رحت سألت ماما، قالت لى ما تروحيش معها ، احنا عايزينك.
مفيدة : انت هتترهبنى وهتبقى رئيسة دير وهيبقى لك بنات كثيرة وبعدها هاتيجى معانا .

عندما استيقظت، قصت للعائلة ما رأتة، فتعجبوا..!!وكان ذلك اليوم يوافق فعلاً عيد القديسة دميانة والأربعين عذراء
، فظلت فوزية تصلى وتطلب من الرب القدوس ان يرسل لها كنزاً تبنى بة ديراً لتجمع فية كل البنات الراغبات فى حياة الرهبنة ويدبر لها امرها بصلوات القديسة دميانة
وذات ليلة بينما تصلى بدموع رأت شاباً جميلاً ومضيئاً يقول لها :
[انت بتعيطى لية؟ إنت لك إية فى البيت دة غير الصور دى؟يالا على ديرى].
فسألته انت مين؟!!
فقال: انا شهيد اسمى ابى سيفين ووضع الصور فى حضنى وأختفى... وفى الصباح ذهبت لأبونا بطرس كاهن كنيسة العذراء وقصت له ما رأتة وسألتة عن الشهيد!! ففتح لها السنكسار وقرأت سيرتة وتعجبت لأنها لأول مرة تعرفة!!!
وتكرر ماحدث...فأخبرت أبونا وأنها تخشى من الضربة اليمينية ولكنه قال لها:[اصبرى...هيعمل حاجة معاك]
وفعلاً...فى الليلة الثالثة ظهر لها باللبس الرسمى(ضابط)ودار بينهما هذا الحديث:
القديس: انا عايزك لديرى فى مصر .
فوزية : (بأندهاش) دير فى مصر؟!!!
القديس: ايوة...انا هأخذك على الدير وبعض الراهبات هناك بتستضفن اقاربهن عندى وستراك راهبة او اكثر ويسألونك إنت قريبة مين؟ فلا تجيبى بكلمة...ابتسمى فقط.
فوزية: ارشم الصليب.
(لأنها خشيت من الضربة اليمينية فوجدتة رشم الصليب وهى كانت دائماً تصلى وفى يدها الصليب)
القديس: يالا متخافيش.
ووجدت نفسها فوق الحصان وفى ثوانى كانت فى الدور الثانى فى الدير وبالفعل قابلتها راهبتان.. وقالا لها: إنت ياحلوة قريبة مين من الأمهات؟ فأبتسمت وصمتت كوصية الشهيد الذى لم يره احد من الراهبات وأخيراً...
القديس: شوفتى لدير.
فوزية: آه...بس آجى إزاى..؟!!
القديس: إلهى حيدبرها لك.
وبعد ذلك رجعها إلى بيتها فى جرجا..!
وكثير من هذة الأحداث قابلتها فوزية (الأم ايرينى) وظهر لها الكثير من هؤلاء القديسيين حتى وفاتها..

نيــــاحة تماف ايرينى
لقد بلغت امنا الغالية ميناء الخلاص بعد رحلة مجيدة حتى وهى فى وسط آلامها وأمراضها الكثيرة التى احتملتها منذ البداية بفرح كذبيحة حب خالصة اوقدتها يومياً إلى اخر لحظة من حياتها ، فجمعتها الملائكة كأفخر حبات بخور أوقدت على جمر الحب الإلهى، وصعدت بها مكللة بالمجد والبهاء الأبدى الذى وهبة لها ملك الملوك ورب الأرباب بالمسرة والرضا...
فى الساعة السادسة مساء يوم الثلاثاء 31 أكتوبر 2006 م الموافق 21 بابة 1723ش الذى يوافق تذكار ام النور القديسة العذراء مريم انطلقت روحها الطاهرة..
وتم مراسم صلوات التجنيز يوم الخميس 2 نوفمبر 2006م الموافق 22 بابه 1723ش
فهنيئاً لها بالمجد والكرامة التى تستحقها

بركة صلواتها تكون معنا جميعاً

[walaa farouk]

بركة شفاعة تماف ايرينى تكون معنا جميعا

[joy]

بركة صلواتك يا تماف تكون معنا امين

[Mary Naeem]

[sama smsma]

بركه صلواتها تفرح قلبكم

[محتاجه لايدك ياربى]

قديسة عظيمة عاشت فى السما وهى على الأرض
شفاعتك يا تماف إيرينى تكون معانا وتفرح كل قلب حزين

[Mina Robil]

بركة صلاتها وشفعتها تكون معانا