|
 |
 |
 |
|
رقم المشاركة : ( 1 )
09 - 10 - 2015, 01:47 PM
|
|||||||||||
|
|||||||||||
|
ناس كتير بتعرف تحضن.. لكن قليلين أوى بيعرفوا يضموا.. # عن الحضن.. والضم.. الحضن انك تحاوط حد بإيديك.. الضم إنك تقفل دايرة حضنك حواليه.. الحضن إنك تحس بوجودك مع حد بتحبه.. الضم إن وجودك ينصهر فى وجود حد بتحبه.. الحضن فيه اتنين محتفظين بحدود كل واحد.. الضم فيه اتنين بيقرروا يحسوا -لبعض الوقت- انهم واحد.. الحضن فيه جسدين بيتلامسوا..فى مكان ما.. فى وقت ما.. على أرض الواقع.. الضم فيه روحين بيتلاقوا.. ويحلقوا خارج كل أبعاد المكان والزمان والذاكرة والجسد.. الحضن جميل، جمال القرب.. الضم ممتع، متعة الدوبان.. فى الحضن.. بيكون فيه مشاعر وأحاسيس رايحة جاية.. فى الضم.. انت شخصيا بتتحول لمشاعر وأحاسيس رايحة جاية.. لو غمضت عينيك أثناء الحضن.. هاتحس إن فيه حد حواليك بيحتويك.. لو غمضت عينيك أثناء الضم.. هاتحس إنك خرجت بره حدود جسمك واحتويت الكون كله.. الحضن دفا وراحة وشفا.. الضم اختراق وانصهار وولادة جديدة.. الحضن حياة.. لكن الضم وجود.. واللحظات الوجودية الحاسمة والفارقة مرتبطة بالضم أكتر من الحضن.. زى ضمة الرحم.. وضمة القبر.. وضمة جبريل لمحمد.. يعنى الايدين بتحضن.. وحضنها بيغير طعم الحياة.. لكنها لما بتضم.. بتغير طعم الوجود.. والعيون بتحضن.. وحضنها بيغير لون الدنيا.. لكنها لما بتضم.. بتغير لون الكون.. وعلشان الحضن حياة.. ساعات بيكون معاه خوف من التعود والتسطيح والفقد.. وعلشان الضم وجود.. ساعات بيكون معاه خطر الذوبان والتلاشى والعدم.. بس مافيش جمال من غير خوف الفقد.. ومافيش متعة من غير خطر الدوبان.. وانت بتحضن.. دايما خليك حاسس.. وانت بتضم.. دايما خليك موجود.. 
|
 |
|
| قد تكون مهتم بالمواضيع التالية ايضاً |
| الموضوع |
| حضن من الرب يضمنا |
| أبناء الملكوت مش ملايكة بس بيعرفوا يفحصوا نفسهم |
| ناس كتير بتعرف تحب ! |
| اللي بيقولوا كلام حلو عن ربنا كتير ، اللي بيعملوا بيه قليلين .. !! |
| ترنيمه كل الطلبه بيعرفوا اسمك |
العرض العادي
