|
 |
 |
 |
|
رقم المشاركة : ( 1 )
07 - 10 - 2015, 05:40 PM
|
|||||||||||
|
|||||||||||
|
الكوينز  بحب احتفظ بالعملات المعدنية " الكوينز " اللي باخدها كباقي للفلوس اللي بدفعها في شرا طلبات البيت وخلافه بينفعوني جدا لما باجي اركن او لو حد في اشارة مسحلي العربية او لو جيت اشتري حاجه تمنها بسيط " جنيه او اتنين بالكتير " او لو اشتريت طلبات بـ 102 جنيه وخلافه ... مش دي المشكلة .. المشكلة لو جيت تشوف معايا قد ايه هتستغرب في مرة جالي تليفون وانا راجع من شغلي علشان اجيب حاجه ضروري وتمن الحاجه دي كانت اكتر من الفلوس اللي معايا بحوالي 120 جنيه فمكنش قدامي غير اني افتح البوكت بتاع الكوينز واعد اللي فيه واكمل منه كانت المفاجأة لما لقيت معايا فيه 165 جنيه رغم اني كونتهم جنيه فوق التاني وكل جنيه لوحده جايز ميعملش حاجه ولا ينقذ من موقف مهم الا انهم علي بعضيهم غيروا مسار تفكيري لحاجه كنت لازم اشتريها سرحت شويتين وحسيت ان ربنا بيعمل معانا نفس الموضوع يعني اعتقد لما تعدي واحد كبير في السن الطريق ’’ مش الموقف ده اللي ممكن يدخلك الملكوت " الجنه " بعد ماتموت لكن اهو نواية تسند الزير عد معايا بقي كم موقف من المواقف البسيطة اللي ممكن تتعمل وربنا يحوشهالك وفجاة تلاقيها بتغير في مجرى حياتك • قشرة موز مرميه ممكن توقع حد ورحت شلتها • حد محتاج مساعده مالية او غيره ووقفت جنبه • راجل كبير وعربيته عطلانه في اشارة وركنت عربيتك ونزلت تزوقها معاه • اسرة متيتمه ودخلها مش مكفيها وانت حاولت تساعدهم • طفل متشرد بيذاكر وبيبيع مناديل ومينفعش يروح غير لما ييبع اللي معاه وانت طلعت من جيبك 5 جنيه واشتريت العشر اكياس اللي قدامه علشان يمشي وغيرها كتير من المواقف السهله والبسيطة اللي مش هتكلفك لا مجهود ولا مال بس عند ربنا كبيرة اوي ولما موقف يتحط فوق موقف ويجيلك مكالمة من السما انك مسافر حالا واعمالك اللي في دوسيه فكرك متكفيش لدخولك الملكوت " الجنه " بتلاقي ربنا علي طول طلع البوكيت اللي فيه اعمالك الصغيرة اللي انت تكاد تكون ناسيها .. وفضل يعد عمل اتنين تلاته اربعه ....... الخ ويقولك اتفضل .. كنت امين علي القليل فسأقيمك علي الكثير ادخل الى فرح سيدك صدقوني مش مجرد قصة لتجميع-?ہايكات لو جالك فرصة انك تعمل خير .. اتشعبط فيها لأن الفرصة دي ممكن اوي تكون اخر عملة معدنية في صندوق اعمالك اللي تغير من الميزان .. وتخليه يطب بسببها .. بجوار ايمانك بربنا طبعا .. ملحوظة : " القصة هدفها انساني .. فلا تمزجها بالطائفية وتصبغها صبغة دينية وتقرر من سيدخل المكوت ومن لا " قصة لـ مايكل سامي 
|
|
11 - 02 - 2016, 02:12 PM
|
رقم المشاركة : ( 2 ) | ||||
|
..::| العضوية الذهبية |::..
|
رد: الكوينز
قصة بسيطة .. لكنها هادفة احنا كمان بالنسبة لخدمة المنتدي .. اي تأمل أو قصة أو اقوال للقديسين أو صورة أو آيه أو سيرة قديس عظيم أو معجزة ....... ممكن تكون رسالة من السماء لشخص ( حزين أو ضعيف أو خاطي ) ونكون سبب في فرح أو تعزية أو خلاص نفس بعيدة عن يسوع شكرا ماري . ربنا يبارك خدمتك |
||||
|
|
|
12 - 02 - 2016, 02:24 PM
|
رقم المشاركة : ( 3 ) | ||||
|
† Admin Woman †
|
رد: الكوينز
شكرا على المرور
|
||||
|
|
العرض العادي
