هو يونان النبى كان متجوز ؟؟؟؟ معرفش
طيب اتجوز وجاب عيال بعد موضوع نينوى ؟؟؟
معرفش
طيب مين يعرف ؟؟
محدش يعرف
ليه كده؟؟؟
لان هو ده الدرس ....
فى ناس تحس ان كل حياتها ضايعة ملهاش حاضر ولا كان ليها ماضى ويمكن ملهاش مستقبل كل دورها فى الحياة انها تقوم برسالة او عمل
مش فاهم
زي مثلا راهب ساب اهله ،مستقبله،شغله،وبقى راهب ومات من غير ما حد يحس بيه لا بقى اسقف ولا قديس بيعمل معجزات ولا كاتب مشهور ولا خادم ليه شهرته محدش عرف عنه حاجة بس راح السما وهناك مستمتع مع ربنا صح كده ويونان كان رمز للناس ده زى برده واحد جاله مرض صعب واستحمله فى رضى ومات فى صمت من غير ما حد يحس بيه زى ام عاشت طول عمرها عاقر وراضيه وشاكره ربنا وماتت من غير ما الناس تكتب عنها وعن صبرها وزى ناس كتير تعبت وماتت فى صمت الجانب المجهول فى حياة يونان رمز لاى حد يحس انه مجهول ربنا يقوله مالك!!زعلان !!!مش انت وحدك تعالى شوف يوحنا النبى العظيم كل تفاصيل حياته كانت مجهوله تفتكر كان صعب انى ازود شويه معلومات عنه !!!!لكن انا عامل حساب الاحساس اللى جواك لما تحس انك مجهول اشاور لك على الجانب المجهول فى حياة يونان اهو مش انت لوحدك المهم انك تكون معروف عندى
كل حاجة فى الكتاب ليها رمز وكل حدث فى حياتنا ليه دليل فى الكتاب المقدس دور على اى حاجة فى حياتك هتلاقى ليها دليل فى الكتاب المقدس
