مسقعة عادية ودايت
الطريقة
بتقطعى بطاطس مكعبات صغيرة وباذنجان حلقات وترشى عليه ملح وتسبيه على مصفاه ينزل مايته وفلفل وكوسة حلقات بتسخنى الزيت وتقلى البطاطس وتطلعيها تصفيها على ورق مطبخ وبعد كدة اقلى الفلفل وبعدين الباذنجان رشيه دقيق واقليه ورصيهم فى صينية وبعدين اعملى عصير طماطم وتكون تقيله مش عليها ماية كتير وعليها ملح وفلفل وتسبكيها وبعدين تعملى طاشة توم بكمون وكسبرة ناشفة وحطى الطاشة على طماطم وبعدين حطيها فوقيهم ودخليها الفرن وشغلى عليها الشواية
طريقة للدايت
بتقطعى البطاطس مكعبات وبتغلى ماية فيها ملح وفلفل وكمون وفص توم مقسوم وتحطى فيها البطاطس تستوى وبعدين ترصيها فى صينية وتدهنيها بالفرشة زيت وتشغلى عليها الشواية بتبقى جميلة وبعدين الباذنجان هتقطعيه وتملحيه وتسبيه
على مصفاه يصفى مايته ورشية دقيق واقليه وطلعيه على ورق مطبخ يشرب الزيت والفلفل قطعيه وسبيه من غير قلى او ممكن تشوية او رصيهم كلهم فى صينية
واعملى نفس طريقة الطماطم وحطيها عليهم ودخليهم الفرن تحت الشواية وبالهنا
منقول للافادة
18 - 08 - 2015, 03:35 PM
قد تكون مهتم بالمواضيع التالية ايضاً
العرض العادي
