بتفكر فى أيه يارب؟

[روشا الفرفوشه]

بتفكر فى أيه يارب؟
بتفكر فى صاحبك اللى خانك
و لا تلاميذك اللى سابوك
بتفكر فى الشعب اللى هانك
بعد ماكانوا من اسبوع بيحيوك
... بتفكر فى بطرس اللى لعنك
و لا فى الجند اللى لطموك
بتفكر فى اللى بصقوا على وشك
و لا العسكر اللى عروك
و لا بتفكر فى ادم ... اللى لو شافك
هيجرى يبوسك هو و كل اللى استنوك
و لا بتفكر فى مريم امك
هى و يوحنا اللى حبوك
و لا بتفكر فى الطعنة و المسمار
و لا فى الشوك و العطش و العار
أتاريك بتفكر فيا يا حبيبى البار
و أنا عمال أسأل و أحتار
---------------------
بقلم
مينا اسعد