اللي بيحبني زعلان مني

[ميرنا]

سلام ونعمة اخواتي انا عايزة مساعدتكم ليا انا زي اختكم الصغيرة انا عندي 17 سنه ألا شهرين تمام ؟
انا كنت بحب ابن عمي هو جاري بحبة من 3 سنين بس هو مش حاسس بيا فقررت ابعد عن حاجه اسمها حب واركز ف مستقبلي
فجأة واحد اتعرف عليا وقالي انه بيحبني وكل شوية انا اصدة ومش عارفة اعمل ايه انا بحب اتكلم معاه اوي وبحس انه حد كويس اوي بس انا مش بفكر غير ف ابن عمي وكل ما اتكلم مع ال بيحبني بتخنق اوووي بحس اني بكلم ابن عمي وانا مش عارفة اعمل ايه وال بيحبني دا زعل مني بسبب انه قلي بيحبني وانا قولتله اني مش بحبك قولولي اتأسفله ولا اعمل ايه ؟؟؟؟

[Mary Naeem]

حببتي
انت لسة صغيرة ودي كلها مشاعر مراهقة
كلنا مرينا بيها
بس اهم حاجة انك تبعدي عن الاثنين
ركزي في مستقبلك وكملي تعليمك
واتكلمي مع اب اعترافك وخدي نصحته
اغلب الشباب في السنة دا بيحبوا يعيشوا دور روميو مش اكتر
ياريت تخلي بالك من نفسك وبلاش تقبليه او تتكلمي معاه
خلي بالك سمعت البنت مش لعبة
دا مكنش علشان خاطرك علشان خاطر عائلتك
ربنا معاكي ويحافظ عليكي

[NORA]

على العموم انا ممكن ميكنش عندى خبرة اوى بس فى رايىى المتواضع اهم حاجة مستقبلك ابعدى عن اى حاجة ممكن تعطلك عن الوصول لهدفك وتحقيق حلمك ركزززززززززززى فى تعليمك و صلى لربنا و ربنا معاكى

[ميرو]

هاي ميرنا
انا هتكلم معاكي كاخت بجد بتخاف عليكي
انتي لسه صغيره وما تعرفيش تفرقي لسه
ده مجرد اعجاب فقط لا غير
وبعدين انت عندك 17 سنه وهو بيحبك
هو بقي عنده قد ايه
وهل لو بيحبك بجد هسيتناكي تاني تخلصي ثانوي وجامعه يعني مش هيسيبك ولا هيبص لوحده تاني
او انتي لما تقابلي ناس وتتعاملي مع ناس تانيه ما ممكن تحسي انك مش ده الشخص اللي نفسك تكملي معاه بقيه حياتك
عشان انتي في سن مش هتعرفي تختاري فيه
وخليكي في دراستك وركزي في دراستك ده المطلوب منك في السن ده
وعلي فكره انت لا بتحبي ابن عمك ولا الشخص التاني ده اعجاب مش حب
في فرق كبييييير ما بينهم حبيبتي
ام النور تكون معاكي علي طول

[Haia]

لكل شىء وقت .
للزرع وقت وللحصاد وقت .
نحن الان فى وقت الزرع .

وما نزرعة اليوم نحصده غدا .
ازرعى المستقبل والدراسة والطريق المقدس .
وسوف ياتى الوقت للحصاد بالمستقبل الناجح والفرح
وهنا يظهر الحب الحقيقى .

[ميرنا]

ميرسي اووووي ع ردود حضراتكم الجميله بجد افادتني اووي ‎:-)‎‏

[dodo dodo]

ربنا معاكى

[ميرنا]

المشاركة الأصلية كتبت بواسطة dodo dodo

انتى لسه صغيره خالص ع انك اصلا تحبى حد
ده سن المراهقه لسه بدرى ع مرحلة النضوج إللى تقدرى تفكرى فيها بعقلك الاول
ابعدى عن الاتنين علشان متتعابيش نفسيا وتهملى دراستك
وحافظى ع سمعتك كويس جدا
انتى بتوهمى نفسك انك بتحبى خصوصا ان ف البدايه كان عندك ١٥ سنه
لما تكبرى هتضحكى ع نفسك انك ازاى كنتى بتفكرى كده وتستغربى
ربنا يديكى انشاء الله النصيب الصالح ومعلش طولت عليكى

اها ميرسي خالص لحضرتك ‎:-)‎‏ و انا فعلا شيلت الموضوع ده من دماغي وبحاول احقق هدفي و اكون حد ناجح ‎:-)‎