سلمنا فصرنا نحمل

[نرمين واصف]

☺😊😀كل إنسان يسوع دعاه لحياة معينة يسير فيها بس أجمل حياة اللي تعيشها وتنفذ وصاياه وترضيه أن كانت وسط العالم أو براه
فيها ناس دعاها كل شغلها الشاغل تعيش علشانه لأنها اختارت النصيب الصالح وتسيب العالم
وتلبي نداه
ناس تانية دعاها لحياة بين الناس تكرز بإسمه وطوباه اللي يعيش بإخلاص ويلبي نداه
وناس عايشة وسط العالم وبتدور علي رضا ربنا بمفاهيم منهم الصحيح ومنهم الغلط
ناس بتدور علي رضا ربنا في وجوه الناس والظروف لو يومي عدي حلو والناس بتضحك في وجهي يبقي ربنا راضي علياالنهاردة
او علاقتي بربنا ناجحة ودي صورة الناس اللي فاهمين رضا ربنا بسوء فهم ودي أخطر صورة بنسبة كبيرة بنسقط في الفكر ده والإنسان ممكن يكون بيصلي ويروح الكنيسة لكن تعبان من الفكر ده لأن مافيش شئ في الدنيا مريح وليه نخسر الأبدية بسبب الظروف والناس والأفكار اللي بيضعها إبليس علشان يؤثر علي صميم وأساس حياتنا في المسيح

صورة الناس اللي بيحاولوا يرضوا ربنا عن طريق معاملتهم وسلوكياتهم
قراءتهم وأوقاتهم محبتهم حتي للمسيئين وحتي لو كانت الظروف والناس قصادهم صعبين وطوباه اللي يرضى ربنا يسوع له المجد ويطيع وصاياه حتي لو علي حساب راحته وسعادته في الحياة علشان يفرح الآخرين ولانه عايش بأمانة وسط العالم بغض النظر عن الأحوال والعيان والظروف المعاكسة لأنه عارف انه هيفرح عند يسوع اللي دعاه واثق في كلامه ووصاياه
(أصعب تنفيذ وصيةلما تحسها ثقيلة وحمل علي قلبك وتكون متردد أنك تنفذها
أسهلها لما تشعر أنها جزء من قلبك وحياتك ومن غيرها متقدرش تعيش)
(أصعب حياة لما تشعر بإجبار عليها وأسهلها لما تعيش بإرادتك فيها سواء اخترت تكون برة محيط العالم أو تكون جواة وبرضه تنفذ وصايا الرب يسوع وعنيك تكون عليه وتتجاهل أصوات العالم واللي يعمل كده طوباه
ربنا يسوع عطانا الإرادة الحرة ومهما ان كانت الحياة وأشكالها
الوصية واحدة لكن الفرق في التنفيذ والتعبير عنها
بس بتبتديها بإرادتك الحرة وتكملها وتعليها بأسرار النعمة الإلهية والروح الساكن فيك يرشدك بس تكون النية متجهة لتلبية دعوة ربنا يسوع وأرضاءه وحده دون النظر للعيان والواقع

ربنا يسوع يجعلنا نميز صوته ونلبي دعوته بطريقته وفكره ونسلمله وهو يحملنا
ياريت نلغي عقلنا قصادخالق الأكوان احنا بس نسلم وهو عليه يكمل ويحملنا
توكل علي الرب بكل قلبك وعلي فهمك لا تعتمد


ربنا يسوع معانا ويساعدنا وبطريقته يسعدنا وسلامه يوهبنا وفي تعاليمه يثبتنا
انا آسفة طولت عليكم