|
 |
 |
 |
|
رقم المشاركة : ( 1 )
13 - 06 - 2012, 11:34 PM
|
|||||||||||
|
|||||||||||
|
جالي وقالي بحبك قولت ايه ده انت فاجئتني علي اساس يعني اني مكنتش عارفه انه بيحبني او انه هيصارحني قريب قولتله اديني مهله افكر وارد عليك فات يوم ومردتش عليه وانا اصلا واخده قراري اني موافقه من اول ماقالي بس تقل البنات بقي اللي انتوا عارفينه علشان مايقولش اني مدلوقه عليه فات كمان يوم وبردو مردتش عليه وهو ياعيني مستني وقلبه خايف لحسن ارفضه وانا اصلا موافقه عليه وابصم بالعشرة كمان فات كمان يوم ورا التاني ورا التالت قولت لازم ارد عليه بقي لحسن كده الواد ياعيني زمانه استوى قولتله طيب انا موافقه كان طاير من الفرح قولتله بس نعرف بعض اكتر قالي وماله شوفي فين وامتي ونتقابل قولتله في كنيسة ....... الساعه ...... اتقابلنا مرة والتانيه والتالته لقيته بيحبني فعلا ومتعلق بيا وانا كمان كنت مرتاحه ليه جدا وحاسه ان هو نصيبي وبدأت احبه في تاني مقابله لينا صارحته اني عندي السكر وجالي وراثه قالي سكر !!! قولتله اه قالي طيب واصريت اني اقابله مرة تالته وفعلا قابلته وكنت مرقباه جدا وبراقب تصرفاته لقيته عادي خالص مش مهتم ولا بيضحك ولا حاجه ففهمت انه محرج يقولي كل واحد يشوف طريقه من بعد ماعرف مرضي اللي مليش ذنب فيه فقولتله بص انت من اجمل الشخصيات اللي انا قابلتها بس حاسه انك مش نصيبي لأني مش مرتاحه اوي للموضوع ومش حساك بصراحه ميت بنت غيري تتمناك بس انت مش فارس احلامي اللي بتمناه طبعا انا حساه وبحبه بس حسيته ندم انه كلمني من بعد ماعرف مرضي قولت لو عايزني هيقولي ليه ومش ليه لقيته بيقولي طيب ماشي خدي بالك من نفسك عرفت انه من ساعت ماعرف موضوع السكر ده وهو متغير فحبيت اوفر عليه الطريق ومحرجوش فات شهر والتاني والتالت بقول لربنا انا حبيته بجد يارب بس سابني بسبب مرضي اللي مليش دخل فيه لو سابني علشان عامله شعري اصفر كنت عملتهوله اسود لو سابني علشان تخينه كنت خسيت لو سابني علشان رفيعه كنت تخنت لكن ده سابني علشان مرضي ... انا راضية بصليبي يارب بس ارجوك متخلنيش اتعلق بحد تاني مش هيكون ليا مر شهر اتنين تلاته جالها عريس تاني كان دكتور ماهي البنت قمورة وعال العال وميت ولد يتمناها قالت لا مش بفكر في الارتباط كلمة في التانيه رنه في التانيه ضحكة في التانيه حبته وقالت يارب لو نصيبي قربه لو غير كده ابعده ماهي بنت بردو ونفسها في حبيب زي باقي صاحبتها قالتله في اول مقابله بص يابن الناس علشان مطولش عليك انا عندي السكر وحياتي كذا كذا كذا وفكر ورد عليا لقيته مسك ايدي ولأول مرة حد يعملها قالي وايه يعني مانا ممكن اتجوزك وانتي سليمة وبعد كده يجيلك السكر وافق عليا وحبني بجد وحبه كان نابع من قلبه مكنش مجرد شفقه ماهو مش مجبر يشفق عليا ومفيش حاجه مابينا وافقت واتخطبنا .. وفي يوم كنا هنخرج علشان نجيب لبس للعيد قالي تعالي العياده ونمشي سوا انا عندي كشفين رحتله العياده واستنيته لقيت الولد الأولاني اللي كان بيحبني داخل عليا سلم عليا وسلمت عليه قالي انتي ايه جابك هنا ؟؟ قولتله انت اللي ايه جابك هنا قالي انا والدتي تعبانه وجايب التحاليل اللي الدكتور كان طالبها منها علشان اعرف عندها ايه قولتله الف سلامه عليها قالي وانتي ايه جايبك هنا قبل ماجاوب جت الممرضة وندهت عليه فقالي بعد اذنك ودخل رحت قومت ودخلت المطبخ بتاع العياده علشان ميشوفنيش وهو خارج المهم خلص وخرج ملقانيش فمشي فدخلت لحبيبي قولتله خلصت قالي اه ولقيته متأثر بقوله مالك قالي الولد اللي كان عندي ده شاب صغير وزي الورد وعنده فايرس سي بقاله فترة كبيرة جدا وبيتعالج منه بس هو الحاله عنده مستقره ومش مخيفه بس يالا بقي ربنا يشفيه مبقتش عارفه اقول الحمد لله ان ربنا خلصني منه علشان مرضه ولا الحمد لله ان ربنا خلصني منه علشان طمعه وانانيته لقيت نفسي بقول الحمد لله انه اداني اجمل حبيب خدني علي مرضي عزيزي القارئ لما بنيجي نختار شريك حياتنا للأسف بنقعد ننقي شريك حياتنا اللي ملهوش غلطه ونقعد نفلي فيه حته حته علي اساس اننا كاملين الشعر الحرير الجسم الطويل العين الملونه وغيره وغيره مع اننا لو وقفنا في المرايه هنلاقي اننا كلنا عيوب ومفيش حد مننا كامل ومع ذلك نبحث عن الكمال اللي مش هنلاقيه غير في الله وحده قبل ماتجرح غيرك بعيوبه بص لعيوبك الأول يا مرائي اخرج اولا الخشبة من عينك.وحينئذ تبصر جيدا ان تخرج القذى من عين اخيك. لماذا تنظر القذى الذي في عين اخيك.واما الخشبة التي في عينك فلا تفطن لها. لو 6: 41 يا مرائي اخرج اولا الخشبة من عينك.وحينئذ تبصر جيدا ان تخرج القذى من عين اخيك. مت 7: 5 انظر لعيبك قبل ماتنظر لعيوب غيرك .. لـ مايكل سامي 
|
|
14 - 06 - 2012, 07:42 AM
|
رقم المشاركة : ( 2 ) | ||||
|
† Admin Woman †
|
رد: انظر لعيبك قبل ماتنظر لعيوب غيرك
قصة جميلة جدا يا قمر ربنا يبارك حياتك |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| لاتنظر👀الي الخلف |
| لاتنظر الى الوراء بغضب |
| لاتنظر خلفك كثرااااااااا ؟؟؟ |
| انظر للماضى واشكر اللة , انظر للمستقبل وثق بالرب |
| يا اخي لاتنظر الى |
العرض العادي
