حقيقة كل البنات

[magdy-f]

حقيقة كل البنات



اب شاف بنته قاعده قدام المرايه اكتر من ساعه بتحط ميكب وحركات
قالها يابنتي ايه حكايتك ..
انتي كل لما تيجي خارجه هتضيعي الوقت كله قدام المرايا
قالتله يابابا انا دلوقتي مش صغيره وشكلي ومظهري مهمين جدا ولا انت مش حابب تفرح ببنتك قريب !!
قالها افرح بيكي !! وهو انتي بتتجملي علشان تجزبي العرسان !!
انتي كده مش بتجزبيهم انتي كده بتكذبي عليهم
شوفي يابنتي .. لو رحتي تشتري لبس العيد من محل ولقتيه عارض كم فستان هتكتفي انك تختاري منهم !!
قالتله لا طبعا هدخل وادور جواه بنفسي .. اوقات بيكون فيه حاجات حلوة جوه مش معروضة بره ,,
ضحك الأب وقالها .. ده نفس الحال يابنتي .. خلي اللي يختارك يكون اختارك علشان لقي جواكي حاجه حلوة ..
ميكونش اختياره ناتج عن جمال مظهرك بس
من يهتم بالجمال الخارجي .. أشبه بمقاول ..
بني مجموعة ابراج وزخرفها من الخارج ولم يهتم بباقي الخدمات الداخليه .. فهجرها كل من فكر أن يسكن بها ...

[Ramez5]

جميلة جداً

[ماريا تى ثيؤتوكوس]

كلام حقيقى طبعا والجمال الداخلى اهم بكتير من الخارجى
مش البنات بس على فكره دلوئتى الشباب كلهم كده
بس ياريت يعرفوا ان الاخلاق هى اللى بتخلى الانسان جميل فعلا

لكن برضه استاذ مجدى لازم نهتم بمظهرنا الخارجى

[Mina Youssef Saleb]

كلام صح مية مية
عمرها مكانت بمظهرك او شكلك او بتلبس اية او متصور ازاى
متحكمش ع حد من الحاجات دة ... الافعال بس معدن الشخص
تسلم ايدك

[كاتى]

الاهم من الجمال الاخلاق وشخصيتها ان كانت بنت ولا ولد
اغلبيه الناس بتبص على المنظر الخارجى ااكتر

شكرا مستر مجدى
ربنا يبارك خدمتك

[Mary Naeem]

مشاركة جميلة جدا

ربنا يبارك حياتك