علشان بحبك
سؤال بسأله ليك بعدت ليه؟
تعال فى حضنى أنا فاتحه ليك
خايف عليك....تضيع منى
و تخسر كل اللى مرتبه ليك
أنا بحبك و عارف اللى فى قلبك
متفتكرش انى مش عارفك
أنا بعت ناس ليك علشان تفهمك
أنا ضحيت بنفسى علشان بحبك
محدش هيعمل اللى عملته علشانك
أنا بحبك من زمان قبل ميلادك
هفضل معاك لأخر أيام حياتك
ليك الحرية أنك تختار طريقك
أطمن متخافش سيب لى حياتك
أنا هو الطريق و الحق و الحياة
عيش معايا يا إنسان و اعلن إيمانك
هتحس بالفرق اللى هينور حياتك
أعيش لك أيامى
أنا عايز أنسى كل الماضى
نفسى أسلم ليك حياتى اللحظة دى
خد قلبى كله تحت أيدك
نفسى أتولد من جديد الساعة دى
كفاية يا خطية سرقة حياتى
أنا هغلب الشيطان بقوة إلهى
يا دموعى أنزلى من عينى
يمكن تمسح خطايا الماضى
أمتى تتوب و تبدأ مع ربك؟
السماء هتفرح بعودتك يا خاطى
بقيت عبد ليكى يا خطية
أنا هكون أبن ليك يا فادى
أغسلنى كثيرا من أثمى
حياتى كلها فى أيدك يا ربى
قررت أعيش لك أيامى
وصاياك هتنور أعمالى
هقرأ إنجيلك و أصلى فى يومى
مفيش غير الله هيكون أهتمامى
يا خطية مش هرجع ليكى
أنا مع ربنا هنتصر
ابنك الغير مستحق علاءء
اللة++++++++++++++++++++++++++++++++محبة
