إنك تبقى في فرح وتنزل دمعة على خدك
عشان افتقدت حد تعودت تشوفه جنبك
إنك تبقى حزين وتبتسم فجأة كده لوحدك
عشان افتكرت حلم جميل عاش يوم في قلبك
بتحصل ساعات إنك تعشق مكان عشان ناس
وييجي حد يخليك تعشق المكان عشانه
بياخدك من المكان برقته يزرع جواك اجمل إحساس
ولو غاب عنك محدش غيره يقدر ياخد مكانه
ساعات بنكتب عن الحب وقلوبنا ماليها الحزن
وبنكتب عن الحزن ف عز ما بنعشق
ساعات بيملانا الشوق وما نلاقيش ولا ضمة حضن
نحضن وجعنا نحضن دموعنا وفيها بنغرق
أيوة بنتمنى السعادة لناس بيستحلوا يشوفوا دموعنا
واللي بيسعدنا قادرين نجرحه بالساهل
زي أي حكاية بنتقابل وبنبعد الشرط فيها عدم رجوعنا
الشاهد فيها إن معدش في شيء مستاهل
منقول
