6 مشروبات حارقة للدهون
الزيادة فى الوزن مشكلة تؤرق الكثير من النساء والرجال من مختلف الأعمار وخبراء التغذية دايما بيحاولوا يوجدوا حلول للمشكلة دى, ومن الحلول دى التوصل لبعض المشروبات الفعالة فى حرق الدهون وإنقاص الوزن بعد الكثير من التجارب والأبحاث. وفى المقال ده هنستعرض أكتر 6 مشروبات حارقة للدهون تم التوصل إليها.
1- الشاى الأخضر
أهم وأكثر المشروبات الحارقة للدهون فعالية هو الشاى الأخضر مش بس فى حرق الدهون لكن كمان فى الحفاظ على نضارة البشرة و الحماية من الكثير من الأمراض ويرجح الكثير من خبراء التغذية أن شرب 5 أكواب من الشاى الأخضر الغير محلى يوميا تحفز الجسم لحرق حوالى 35% من الدهون المختزنة مع ممارسة رياضة بسيطة كالمشى.
2- الماء المثلج
الجسم بيحرق سعرات أكتر لرفع حرارة الماء المثلج مما يحفز حرق الدهون وفقدان الوزن علشان كده مهم جدا شرب كمية كبيرة من الماء المثلج يوميا.. والإعتماد على الماء المثلج فعلا طريقة بسيطة وعبقرية.
3- عصائر الخضروات
شرب عصير الخضروات قبل الوجبات الرئيسية يحفز الجسم لحرق 135 سعر حرارى و ده معناه ان سعرات الوجبة الرئيسية بتنخفض بشكل طبيعى, وممكن التفنن فى عمل عصائر الخضروات باستخدام الجزر والطماطم والجرجير مع اضافة الأعشاب والتوابل حسب الرغبة.
4- اللبن خالى الدسم
فى غلطة شائعة متداولة بين الناس تفيد بأن اللبن أو منتجات الألبان عموما تؤدى لزيادة الوزن ولكن أغلب الدراسات أثبتت ان الكالسيوم الموجود فى اللبن خالى الدسم بيحفز حرق الدهون بصورة فعالة مما يجعل اللبن خالى الدسم مهم جدا كمشروب من المشروبات الحارقة للدهون.
5- الجنزبيل المغلى مع الشاى الأخضر والكمون والنعناع
دى بقى وصفة عربية قديمة وفعالة جدا جدا فى حرق الدهون, ببساطة هنضيف معلقة صغيرة من الجنزبيل والشاى الأخضر والكمون والنعناع ونقلبهم كويس جدا فى كوب من الماء ونغليهم 10 دقائق. ولأفضل النتائج يفضل شرب المشروب ده قبل الوجبات بنصف ساعة ولمدة 15 يوم وهتلاحظوا فرق شاسع, وأنا شخصيا بعتبر المشروب ده من أكثر المشروبات فعالية لحرق الدهون.
6- كوكتيل الأناناس والكيوى
لو مش بتحب طعم عصائر الخضروات والوصفات العربية ممكن ببساطة تستخدم كوكتيل الأناناس والكيوى لحرق الدهون لأنه صحى جدا وطعمه لذيذ جدا. يمكن تخفيض الوزن بمقدار 10 كيلو جرامات عند ادخال كوكتيل الأناناس والكيوى كعنصر أساسى من ضمن نظام غذائى يومى ولمدة 15 يوم. ولعمل الكوكتيل هناخد 5 شرائح أناناس ونضربهم فى الخلاط مع قطعتين كيوى بدون سكر ونشربهم بدل وجبة الغدا.
فى النهاية, الالتزام بممارسة الرياضة والأكل الصحى يعملون على خفض الوزن والحفاظ على جسم صحى, فالأكل الصحى باستمرار أفضل من اتباع نظام غذائى قاصى, وأتمنى لكم دوام الصحة والعافية.
