كان فيه مدير حكيم جدا كان مسؤل عن ادارة مصنع عملاق .. وبسبب كبر حجم مصنعه وكتر اقسامه ,, العمال مكنتش عارفه بعضيها جواه
بس كان فيه حاجه في المصنع ده مضايقه كل المهندسين الكبار
ان اليونيفورم بتاع المصنع كله واحد
يعني لبس المهندس كان نفس لبس العامل العادي كان نفس لبس عامل النظافة
المهندسين اتكلموا اكتر من مرة مع المدير انه يخلي ليهم لون مميز يتعرفوا بيه علشان يلاقوا التحية من الكل وهم رايحين اي قسم مش قسمهم
ولكن المدير رفض علشان ميبقاش فيه تفرقه بينهم وكمان علشان محدش يتعالى علي التاني والكل يهتم بشغله فقط دون انتظار اي مراسم ولاء وطاعه من غيره
وفي مرة من المرات احد المهندسين اتذمر جامد علي مدير الشركة
وقدر يجمع حوالين منه كم فرد لحد ماشالوه وبقي هو المدير مكانه
وساعتها امر بتجهز تلات الوان لليونيفورم
المهندس لون والعامل لون والمنظف لون
وللأسف المعاملة جوه المصنع اتغيرت جامد .. بقت كلها جحود وتذمر وافتراء
كل كبير بيتنطط علي اللي تحته والمهندس بقى بيطلب من العامل طلبات شخصية بدافع انه اعلى منه مما ادي الي ان يهمل العامل عمله كي يلبي احتياجات المهندس .. الا ان خرب المصنع وتشرد عماله ...
هذه هي حياتنا .. خلق الله الجميع من نفس الطين واعطانا نفس الصبغه التكوينية
حتي نتعامل جميعا بدون اي تعالي او تذمر
ولكن نحن من نوصر علي ابراز الفروق بين انسان واخر حتي نتعالى على من يصغرنا مقاماً وننحني اجبارا لمن يعلونا منصباً
الا ان خربت بنا الحياة واصبحنا نحيا مجتمع اشبه بالجحيم .. خالي من الإحترام والحب والموده وذلك بعد ان صنفنا انفسنا غني وفقير ,, عامل ومدير ,, ابيض واسود ..... الخ
كن مميزا بإنسانيتك وليس بـ جبروتك
فلن تستطيع الصعود علي سلم الحياة الا بكلتا القدمين
قصة لـ مايكل سامي
