الرضا فى حياتنا
كل واحد منا فى الحياة له ظروف معينة، واسرار كتير بداخل كل شخص، ناس حاسه انها اتظلمت فى حياتها يمكن نتيجة قرار خطاء فى الماضى او تصرف ما، وناس حاسه ان حظها قليل، وناس حاسه انها مش واخدة فرصتها.. ويمكن اشياء كثيرة من هذا القبيل، ويعيش بعضهم فى حالة تزمر وضجر وحالة من عدم الرضا.
الموضوع مش موضوع حاجة نقصاك او مش قادر تحصل على شىء معين او.. او..
لا الموضوع موضوع رضا وقناعة، لدينا أشياء كثيرة ربنا اعطاها لنا، مش بنقدر قيمتها ولا بنعرف نستمتع بيها، لاننا ببساطة مش شاكرين عليها ولا مركزين فيها وعيوننا على اللى مع الأخرين وعلى مين معاة ايه وعايش اازى!!
"فلان ساكن فى المنطقة الفلانية"، " فلان معاة عربية ثمنها كذا"، "فلانه كل فساتينها مستوردة او من المكان الفلانى"، " فلانة جوزها بيحبها اوى يابختها بيه"
ربنا عادل، ارضى بما اعطاة لك الله فهو يعلم ما لصالحك جيداً، ربما لم يمنحك شيئاً ما، تأكد ان هذا لخيرك.
اشكر على حياتك مهما كان شكلها انت افضل من ناس كتير، ركز على مالديك وتأكد انه سينمو ويزداد، فى علم (التركيز نحو الحلول) فى التنمية البشرية اتعلمنا ان "مانركز علية ينمو ويزداد من نفس النوع"
طول ما الانسان عايش بينظر على ما يملكه الأخر، لاهيستمتع بـ اللى معه ولا يحصل على ما لدى الأخرين"
لكن بالرضا والشكر الدائم تستطيع ان تحصل على أشياء كثيرة، وان حصلت علي بعض منها ستشعر بالقناعة والاستغناء عن باقى الاشياء، وشعور بالشبع والكفاية.
ثقك فى ربك، وفى نفسك، عود نفسك على الشكر حتى فى القليل ستشعر بالسعادة، تأمل من هم أقل منك فى المستوى المادى والاجتماعى، تأمل من يعيشون تحت الكبارى وفى الطرقات، اشكر دائماً .
بتمنى للجميع حياة سعيدة.
