لا تخف أيها الرجل المحبوب . سلام لك

[SARAH NABIL SOBHY]

:+: معجـــــ | جديـــــــــــــــــــــــــــــــده | ــــــــــــــــــــــــزه للشهيد العظيم فيلوباتير مرقوريوس | أبــــــــــــــــــــــــوسيفين :+:

معجزه بعنوان : لا تخف أيها الرجل المحبوب . سلام لك
________________________________________________

يروى الدكتور ع . ف
الشهيد ابوسيفين صديق للاسره وعمل مع ابنى مينا معجزه قبل كده وتم تسجيلها ودى تانى معجزه مع ابنى التانى مارك
فى ليله من الليالى استيقظ على صوت تنفس عالى من حجره مارك ومينا فى الساعه الثانيه صباحاً فتوجه الى الغرفه ولم اجد شيئاً فعدت لانام ثم استيقظ مره اخرى لاسمع نفس الصوت فى الساعه الرابعه صباحاً ووجد ابنى مارك يصارع فى التنفس على السرير فأيقظت زوجتى واتصلت باخي القمص جرجس فأتى ودهن الطفل بالزيت . ثم توجهنا الى مستشفى القصر العينى لعمل فحوصات فاخبرنى الاطباء انه يعانى من اختناق شديد ووضعوه على جهاز التنفس الصناعى ولكن حالته لم تتحسن . اخبرنا الدكتور المختص انه لابد من اجراء عمليه شق للحنجره فورا لانقاذ الطفل وهى عمليه خطيره قد يحتاج الطفل خلالها الى نقل دم وهنا طلب الطبيب منى ان اوقع على اقرار اخلاء مسئوليه اذا حدث له مكروه فرفضت وحاولت نقله الى مستشفى ابو الريش ولكن دون جدوى فقد اخبرونى انه اذا ما تم نقله سيموت فى خلال دقائق ..
رفعت قلبى بالصلاه الى الله وكنت اصرخ : إنجدنى يا إله ابوسيفين إبنى هايروح منى .
وكانت والدته تبكى بصوت عالى واخذت تبحث عن زجاجه الزيت الموجوده فى حقيبتها للشهيد ابوسيفين ولكنها لم تجدها فأخذت تناجيه بدموع قائله : اوعى تسيبنا فى ضيقتنا يا شهيد الرب وزى ماطلبت من اجل مينا وربنا شفاه لازم تطلب من اجل مارك وتشفيه وتخلينى الاقى زيتك .
وفى نفس اللحظه وجدت زجاجه الزيت وبسرعه دهنت ابنى بالزجاجه وكنا نصرخ : اعمل له انت العمليه يا ابوسيفين
وبينما كنت وسط ضيقى اذ بى ارى الشهيد ابوسيفين نازلا من سقف الحجره مرتدياً بدله الضباط وشكله كما فى صورته بالظبط لكن احلى ,, رأيته بيننا انا وزوجتى والطفل ووقف جنبى فشعرت بسلام وراحه عجيبه
وقلت له : اعمل معجزه , مش عاوز العمليه تتعمل ولا دم يتنقل للطفل
وبينما كنت اردد هذه الكلمات وجدنا الطفل يتقيأ بلغماً لزجاً جداً وبمجرد انتهائه من القىء استطاع التنفس
وقال لوالدته : يا ماما انا خلاص خفيت
ولاحظ الدكتور : م . ق تحسن مارك فأبلغ طبيبه العمليات بالتأجيل ثم اخبر المشفى بالغاء العمليه تماما بعد دقائق وقال الدكتور متعجباً : لقد نجى ابنكم من موت محقق بأعجوبه وكتب له عمر جديد .
اخذنا الطفل ورجعنا فرحين لعمل الرب معنا بشفاعه ابوسيفين وقال مارك : انا كنت تعبان خالص ومش قادر اتنفس ولما حطوا الجهاز على مناخيرى كان مضايقنى ,, عارفه يا ماما مين شال الجهاز لما الدكتور بعده عن مناخيرى ؟
الشهيد أبوسيفين ,, انتى اول مادلقتى الزيت عليا لقيته قدامى وبعد كده ارتحت وعرفت اتنفس ,, بس يا ماما مكنش راكب حصان وكان شكله زى الصوره ولابس لبس ظابط , انا بحبه خالص يا ماما .
بركه شفاعته تبارك حياتكم وربنا كل المجد من الآن والى الأبد أمين .

مصدر المعجزه : كتاب الله يحبنى لمعجزات الشهيد العظيم فيلوباتير مرقوريوس أبوسيفين - الجزء السادس
إصدار : دير الشهيد ابى سيفين للراهبات - مصر القديمه

[بنت معلم الاجيال]

لقيته قدامى وبعد كده ارتحت وعرفت اتنفس ,, بس يا ماما مكنش راكب حصان وكان شكله زى الصوره ولابس لبس ظابط , انا بحبه خالص يا ماما .
بركه شفاعته تبارك حياتكم وربنا كل المجد من الآن والى الأبد أمين .

فعلا قديس عظيم جدااااااااااا حبيبي يا ابو سيفين
ميرسي كتير علي المعجزة الجميلة ربنايفرح قلبك

[SARAH NABIL SOBHY]

أشكرك حبيبتى بركه شفاعته تفرح قلوبنا كلنا

[Mary Naeem]

مشاركة جميلة جدا

ربنا يبارك حياتك

[Ramez5]

شفاعة ابو سيفين تكون مع جميعنا امين
ميرسى كتير لمشاركتك المثمرة

[SARAH NABIL SOBHY]

أشكركم شفاعه ابوسيفين تكون معانا كلنا أمين