دوام بتولية السيدة العذراء

[john w]

دوام بتولية السيدة العذراء

عظة لقداسة الأب : يوحنا فايز

نتحدث اليوم يا أحبائى عن معجزة صعب على البشر تفسيرها ....... معجزة وقف أمامها القديس

سمعان الشيخ محتار لما كان بيترجم نبؤة أشعياء النبى ::

(( يعطيكم السيد الرب نفسه آية ها العذراء تحبل و تلد أبنا و تدعو أسمه عمانوئيل ))
" أش 7 : 14 "

+++ حاول سمعان الشيخ يشيل كلمة ( العذراء ) و يكتب بدلها فتاة أو سيدة ...... لأن هو ده

الشئ المنطقى حسب تفكير البشر ..... حسب قوانين الطبيعة اللى كل الناس تعرفها .
\
@@@ أى واحدة ممكن تكون عذراء ..... لكن بعد الولادة و أثنائها مش ممكن !!!

أى عذراء اذا ولدت فلابد تزول بكارتها بفعل الجنين و هو نازل !!!!

+++ فكر سمعان الشيخ و حاول أنه يغير كلمة ( عذراء ) ...... لكن صوت من السماء ينادى عليه :

(( لا تتعجب يا سمعان و أكتب لأن العذراء ستحبل و تلد أبنا و هى عذراء ..... و سوف تعيش

و لن تموت حتى ترى بعينيك مسيح الرب و ستحمله على ذراعيك ))

*** و عاش سمعان بعدها 278 سنة حتى بلغ من العمر 400 سنة كاملة فى ( صوم و صلاة )

لأنه تشكك فى نبؤة أشعياء ....... لغاية لما شاف الرب يسوع و حمله على ذراعيه و فرح

و قال : (( الآن يا سيد تطلق عبدك بسلام حسب قولك )) لو 2 : 30

+++ القديس أوغسطينوس قال عن السيدة العذراء ::

(( هى عذراء و هى حامل ..... عذراء و هى والدة ..... عذراء و هى مائتة ))

+++ فى تسبحة يوم السبت ::

(( دعيت أم الله الملك الحقيقى .... و بعدما و لدتيه بقيت عذراء بأمر عجيب ...... عمانوئيل الذى

ولدتيه حفظك بغير فساد و بتوليتك مختومة )

+++ يعنى الرب يسوع اللى أنت ولدتيه هو اللى حفظك من الفساد ..... و حافظ على عذراويتك قبل و بعد الولادة .

+++ أى فتاة ممكن بعد الولادة تفقد عذراويتها تبقى سيدة ...... الا العذراء مريم والدة الاله

هى وحدها اللى ولدت الطفل يسوع و لم يخدش بكارتها ..... لم تفقد عذراويتها ......

لأن المولود (( مش انسان عادى )) لكنه كلمة الله المتجسد (( و الكلمة صار جسدا ))
"يو 1 : 14 "

+++ الرب يسوع لما قام من بين الأموات :: خرج من القبر و هو مختوم

علشان يقولنا :: انى خرجت زى ما دخلت من بطن العذراء و هى مقفولة و مختومة .

+++ و لما دخل الرب يسوع على التلاميذ و هم فى العلية و كل أبوابها مقفولة
( يو 20 : 19 )

كان عاوز يثبت نفس الكلام ...... أنه أتولد من العذراء و ختم بكارتها مصون و محفوظ

( عذراء قبل و بعد الولادة ) .

+++ يحكى لنا التاريخ ::

أن لما آلالم الولادة جت للعذراء ...... و شعرت بيها و هى فى مغارة الرعاة ..... جرى القديس

يوسف النجار يدور على داية ...... فلما رجع و معاه الداية وجدوا السيدة العذراء بترضع الطفل

وما كنش باين عليها أى علامات تعب أو مجهود أو ارهاق زى ما كلنا عارفين فى حالات الولادة

فسألتها الداية عن المشيمة ( الخلاص ) نزلت و لا لسه ؟؟

فنظرت اليها العذراء و لم ترد عليها ....... فقربت منها الداية و حاولت التأكد و لكنها وجدت أمامها

مفاجأة ........ وجدت أمامها بنت عذراء ..... ما زالت بكر و بتول ......

+++ أندهشت الداية ...... و خرجت تجرى و قابلت فى سكتها الداية المشهورة ( سالومة )

و حكت لها الحكاية ..... لكن سالومة ما صدقتش و قالت :: لازم أشوف بعينى .

+++ لما وصلت عند العذراء ...... حاولت تكشف عليها ...... لكن ايديها اتشلت !!!!!

فصرخت و قالت :: (( يا الهى ذنبى عظيم ..... أغفر لى ))

و سجدت أمام الطفل .... و وضعت يدها عليه فشفيت فى الحال .

+++ الكلام ده : سجله لنا القديس كيرلس رئيس أساقفة أورشليم فى القرن الثالث .

+++ ممكن واحد يفكر ........ طيب و ايه لازمة البتولية اللى تاعبين نفسكم بيها ؟؟؟؟

المهم أنها ولدت الرب يسوع و خلاص ....

+++ نقوله :: طبعا ..... ليها لازمة و مهمة كمان .

السيدة العذراء حملت بكلمة الله ( الرب يسوع ) و هى عذراء و بتول ...... وولدته و هى عذراء

و بتول ..... ( زى أشعة الشمس لمل تعدى من الزجاج من غير ما ت**ره ) و فضلت عذراء و بتول

لغاية ما تنيحت بسلام .

+++ قبل الولادة ::
....................................

كان لازم تبقى عذراء .... لأن مش ممكن ربنا يشترك معاه بشر فى أبوته

مش ممكن الروح القدس يحل فى مكان دنسه حد تانى .

لازم ( القدوس المولود منك ) يتولد من مكان طاهر ..... مكان مقدس .... مكان عفيف

ينزل من مستودع مكرس لله .... ( القدوس المولود منك يدعى ابن الله ) .

+++ أثناء الولادة ::
.................................

كان لازم تبقى عذراء ..... لأن مش ممكن كل هذا التكريم ..... و المكان المقدس بفعل الروح

القدس يفسد أثناء الولادة .

++++ بعد الولادة ::
..............................

كمان كان لازم تبقى عذراء ..... فى ( حز 3 : 5 ) لما رأى موسى العليقة المتقدة بالنار و هى لم

تحترق :: (( فقال موسى : أميل الآن لا انظر هذا المنظر العظيم ....... ناداه الله من وسط العليقة

و قال :: موسى موسى ...... لا تقترب الى هنا ....... أخلع حذائك من رجليك لأن الموضع الذى أنت واقف عليه أرض مقدسة ))

+++ المكان اللى حل فبه الله :: محظور ....... ممنوع ..... على أى انسان أن بقترب منه .

لا يجوز لأى انسان أنه يحط رجليه فيه .

فما بالنا بأشرف بطن حملت الله الكلمة .... لا يجوز لأى واحد أنه يقترب منها .......زى المسيح

ما هو فى السما ((أبن الله الوحيد )) ....... هو أيضا على الأرض (( الأبن الوحيد لوالدته )).

+++ كمان يا أحبائى لا يليق أن والدة الأله ..... تصير أما لبشر ضعيف و بسيط .

لذلك ........ هذه البتولية اللى للعذراء لازمة :: قبل و أثناء و بعد ولادة المسيح .

+++ و الأدله كثيرة فى الكتاب المقدس ::


(1) فى أشعياء 7 : 14
..........................

(( ها العذراء تحبل و تلد أبنا و تدعو أسمه عمانوئيل ))

نبوة أعلنها أشعياء النبى قبل ولادة المسيح بحوالى 750 سنة ....... و تمت النبوة و تحققت

باللفظ و المعنى ..... بولادة الرب يسوع من العذراء و هى بتول قبل و أثناء و بعد الولادة .

(2) فى حزقيال 44 : 2
..........................

(( يقول الرب هذا الباب يكون مغلقا لا يفتح و لا يدخل منه انسان لأن الرب اله اسرائيل دخل فيه

فيكون مغلقا )) و هذا اثبات دوام بتولية العذراء بعد الولادة !!!!

(3) لو 1 : 30 ،31 ، 34
..............................

فى رد العذراء على الملاك وقت البشارة :

(( لا تخافى يا مريم لأنك وجدت نعمة عند الله ...... و ها أنت تحبلين و تلدين ابنا و تسمينه يسوع

فقالت مريم ::كيف يكون هذا و أنا لست أعرف رجلا ؟؟؟ ))

+++ هذا الرد يبين لنا حال العذراء ..... أنها و ان كانت مخطوبة ليوسف الا انها كانت عفيفة و

محتفظة ببتوليتها .

+++((( هناك بعض النصوص فى الكتاب المقدس بعض الناس بيفسروها تفسير خاطئ ضد بتولية السيدة العذراء )))

+++ نرد عليهم بنعمة الروح القدس :::
....................................


(1) فى متى 1 : 18
***************
(( قبل أن يجتمعا وجدت حبلى من الروح القدس ))

هذا النص فسره واحد هرطوقى أسمه البيريوس فقال :أنه معناه أن يوسف عرف العذراء و تزوجها

بعد الولادة ......... فرد عليه القديس أمبروسيوس بجملة بسيطة و مقنعة و قاله :

لو قلنا ( قبل أن يتوب البيريوس مات ) فهل معنى هذا أن البيريوس عرف التوبة بعد ما مات ؟؟؟؟؟

(2) فى مت 1 : 25
..............................

(( و لم يعرفها ( حتى ) ولدت ابنها البكر ))

يفسرها البعض : أن يوسف عرفها بعد الولادة ......لكن نرد عليهم بآية من الكتاب المقدس

فى ( صم 6 :33 ) ...... (( أن مكيال أبنة شاول لم يكن لها ولد ( حتى ) ماتت ))

فهل مكيال ولدت بعد أن ماتت ؟؟؟؟ ف ( حتى ) هنا لا تفيد تغير الحالة .

(3) فى مت 13 : 55 ، 56
.....................................

(( أليس هذا ابن النجار؟؟ ...... أليست أمه تدعى مريم ؟؟ و أخوته يعقوب و يوسى و سمعان و يهوذا ؟؟ أوليس اخواته جميعهم عندنا ؟؟ ))

+++ بعض الناس يفسرون هذه الآية على أن يوسف عرف العذراء بعد ولادة السيد المسيح

و أنجب منها أولادا و بنات مذكورين أهم فى الكتاب المقدس !!!!!!!

+++ لكن نرد على هؤلاء :: بأن أخوة يسوع المذكوريين هنا هم أولاد خالته ....لأن السيدة

العذراء كان لها أخت أسمها مريم أيضا ..... أصغر منها و كانت متزوجة واحد أسمه كلوبا ......

و كانوا مخلفين يعقوب .... و يوسى .... و سمعان .... و يهوذا ..... و كان ليهم بنات كمان ...

و الكلام ده واضح من الكتاب المقدس ::

(( و كانت واقفات عند صليب يسوع أمه و أخت امه مريم زوجة كلوبا و مريم المجدلية ))يو 19: 25

(( و بينهم مريم المجدلية و مريم أم يعقوب و يوسى و أم ابنى زبدى )) مت 27 : 56


@@@ فواضح من نصوص الكتاب المقدس أن العذراء الطاهرة كان لها أخت متزوجة و أن

اولادها و بناتها المذكورين هنا هم فى الحقيقة أولاد خالة المسيح مش أخواته المباشرين .

و بعدين هؤلاء الأخوة كان منهم رسل زى ( يهوذا ) مثلا ..... لما يكتب رسالته قال ::


(( يهوذا عبد يسوع المسيح و أخو يعقوب )) .... فاذا كان يهوذا أخو المسيح يبقى ليه يكتب كده ؟

+++ كمان كان فى بعض البلاد عادة : أن الواحد يقول على قريبه أنه أخوه ...... زى ما حصل

مع أبونا ابراهيم لما قال على لوط انه أخوه ...... مع أنه ابن أخوه .

و زى ما قالو على اليهود أخوة موسى ...... يعنى أخواته فى الدين و الجنس .

+++ و بعدين لو السيدة العذراء عندها أولاد غير السيد المسيح ...... ليه ما سلمهاش ليهم

و هو على الصليب بدل ما يسلمها للقديس يوحنا ؟؟؟

(( هوذا أبنك ....... هذه أمك )) يو 19 : 26 ، 27

{{{ كل هذا يا أحبائى يؤكد لنا أن العذراء مريم والدة الاله ذات بتولية دائمة ......قبل .... و اثناء
و بعد الولادة }}}

+++ (( لأن الذى قدسه الله ..... لا يدنسه الأنسان )) +++


صلوا من أجل الخدمة
و من أجل ضعفـى أنا الخاطى .
رد مع اقتباس

[sama smsma]

عظة رائعة يا وسيم
ربنا يبارك خدمتك