|
 |
 |
 |
|
رقم المشاركة : ( 1 )
07 - 06 - 2014, 08:39 AM
|
|||||||||||
|
|||||||||||
|
حوار مع الله ببساطة
 الابن : صباح الخير يا أحلى وأجمل وأطيب أب في الدنيا الله : صباح الخير يا أغلى حاجة عندي يا من أحبه حتى نفسي الابن : يا رب عامل ايه النهارده ؟ مبسوط والا لأ الله : أنا مبسوط من أولادي اللي بيحبوني ونفسهم يتعرفوا بيا أكتر وأكتر ونفسي أي حد بعيد عني يرجع لحضني الابن : انت ليه يا رب بتحب البشر بالكم الهائل ده من الحب دول بيهينوك كل يوم الله : أصل دول أولادي وأنا خلقتهم على صورتي ومثالي علشان يفرحوا بيا الابن : ما هم كل يوم غرقانين في الخطية وأوحالها الله : أنا مستني رجوعهم ليا وباحتملهم وهافضل أحتملهم لأني أب الابن : بس يا رب الخليقة دي كلها كتيرة جداً البشر والبهائم والحيوانات والوحوش وانت بتهتم بيها كلها ازاي؟!!!!!!! الله : أنا اللي خلقت كل العالم وعلشان كده كل حاجة خلقتها مسئولة مني أن أعتني بيها وبعدين أنا إله عظيم وقدرتي غير محدودة الابن : صحيح يا رب بس البشر بيخافوا ويقلقوا جداً من المستقبل ومن الماضي . هم ليه خايفين كده مع إن انت مهتم بيهم ؟ الله : اللي بيحبني مش ممكن يقلق أو يخاف لأني هاغفر له خطايا الماضي وميبقاش منها خوف لأن معليهاش دينونة ... والحاضر أنا ضامنه في إيدي واللي بيحبني ميخافش من المستقبل لأني ضابط الكل وكل حاجة تحت سلطاني وأنا مش ممكن أعمل حاجة تضر أولادي الابن : شكراً يا رب . لكن ليه رغم ده كله الناس ماشية مع الشيطان مع أنهم متأكدين أنه مش بيحبهم ؟ الله : انت عارف إن الإنسان جواه شهوات ورغبات وميول شريرة وللأسف هو مش فادر يتحكم في نفسه الابن : طيب يبقى غصب عنه بيعمل الخطية الله : بس أنا عطيته إراده لو هو عايز يمشي في طريق النور وكل حاجة محتاجها أنا موفرها له الابن : طبعاً يا رب انت مش ممكن تكون مقصر في حق البشر لكن هم اللي بيبعدوا عنك كل يوم الله : أنا بحب كل واحد منهم محبة خاصة ونفسي يرجعوا ويعيشوا معايا ولكن .. الابن : لكن ايه يا رب ؟ الله : لكن فيه ناس بتقسي قلبها عليا وفيه ناس بتعصاني وفيه ناس بتجرحني وناس بتهينني وناس بتخلي اسمي في التراب ..لو كنت مكاني كان هيبقى شعورك ابه ؟ الابن : كنت هابقى حزين عليهم ولكن أنا ممكن كنت عاقبتهم ..يعني أي واحد يغلط هأموته الله : ما هو أنا لو عملت كده مين هيعيش ..كلهم هيموتوا بسبب خطاباهم وعلشان أنا بحبهم باديهم فرصة جديدة الابن : بس يا رب دول كل ما بتديهم فرصة بيفكروا إن العملية سايبة وإن مفيش حساب الله : ما هو أنا بكلم كل واحد بطريقته وصوتي بيقى واضح مرة بخادم ومرة بكلمة توبيخ ومرة بمرض ومرة بموت أحد الأحباء وطرق كتيرة الابن : للدرجة دي يا رب بتحبهم الله : وأكتر كمان يا حبيبي الابن طيب يا رب أنا هستأذن دلوقتي وهارجع تاني بعد ما أخلص شوية حاجات الله : اتفضل يا حبيبي بس متتأخرش عليا ...أنا مستنيك ...وأنا مبسوط من الشوية اللي قعدناهم مع بعض دول الابن :دا أنا اللي مبسوط أكتر يا رب علشان انت بجلالك رضيت تقعد مع واحد زيي وأرجوك يا رب تحفظني وتدبر أموري حسب مشيئتك الله : حاضر يا ابني .. اتفضل يا ابني روح لشغلك مش هاعطلك ..بس متنساش تكلم الناس عني الابن : حاضر يا بابا من عينيا الاتنين الله : سلام يا ابني الابن : مع السلامة يا بابا ..... بااااااااااااااااااا 
|
|
11 - 06 - 2014, 07:52 AM
|
رقم المشاركة : ( 2 ) | |||
|
..::| العضوية الذهبية |::..
|
رد: حوار مع الله ببساطة
موضوع وحوار جميل ورائع جداً شكراً جزيلاً أختي العزيزة مارى للمشاركة القيمة والجميلة جداً تحياتي وأحترامي والرب معك دائماً يباركك ويبارك حياتك وأعمالك وخدمتك المباركة ربنا يفرح قلبك ويفيض عليك بنعمه الغنية وسلامه العظيم ومحبته الدائمة... والمجد لربنا القدوس يسوع المسيح دائماً..وأبداً..آمين |
|||
|
|
|
11 - 06 - 2014, 10:06 AM
|
رقم المشاركة : ( 5 ) | ||||
|
† Admin Woman †
|
رد: حوار مع الله ببساطة
شكرا على المرور
|
||||
|
|
 |
|
العرض العادي
