لمحت حبيبي ماشي ..............والناس بتجري وراه
اللي بيضحك واللي بيبكي .......واللي بلهفه بيستناه
سرعّت في خطواتي ..............وشاهدت نظرته
مليانه رقه وعطف.............واشتقت للمسته
ركّزت معاه وندهت ...........بص لي بكل هدوء
قولتله عايزه اشبع من كلامك .......واخد منه وادوق
ضحك وقاللي يا سلام يا بنتي .......دي لحظه مستنيها بكل حب وشوق
ده انا بلسم للمتألم .........وفرج لكل خاطي ومخنوق
قولتله يا طيبتك يا رب .........كلك محبه وذوق
واللي ياخدك من نصيبه ..........حياته تهدي وتروق
ما تاخدني يلا معاك.........ركبني مركب ايليا اسوقها واطلع بيها لسماك
قاللي استني شويه ............مفيش سما من غير رعد وبروق
سكت والتنهيده والحزن بان عليا ...........وعينيا بصه لفوق
قاللي ايوه كده انا عايز عينك تملي عليا ........وهو ده المطلوب
لا تشيلي هم الدنيا ومعاكي انا علي طول ........احفظك من كل سوء
قولتله حاضر يا بابا هستني تحقق الوعود
ما انا عارفه اني بحُبك وحنانك ...........اعدي بيك اصعب سدود
ولا يمكن ابعد عنك وطول عمري هكونلك مشدود ....ورجائي فيك هيزيد ويعدي كل حدود
