|
 |
 |
 |
|
رقم المشاركة : ( 1 )
21 - 05 - 2014, 05:16 AM
|
|||||||||||
|
|||||||||||
|
معجزة عملها معايا القديس مارجرجس وأنا آسف جداً فى تأخير نشرها من سنوات قليلة جداً فكرت انى أشترى جهاز(سكانر) ومعاه(طابعة) فى نفس الوقت(يعنى السكانر والطابعة فى جهاز واحد) وكلمت واحد زميلى متخصص فى الكمبيوتر فى هذا الموضوع وكنت منتظره فى المنزل على أساس انه هيشترى الجهاز ويجى عندى ويركبه واشترى الجهاز(وكان جاى فى تاكسى) وعند باب الشقة وقبل الدخول افتكر انه نسى شنطته(وبها السيديهات وشغله كله والشنطة ليس بها ما يدل على شخصيته أو عنوانه) وطبعاً الموقف كان صعب ونفسيته اتأثرت والتاكسى مشى وطبعاً زعل وذهب الى منزله ومفيش حاجة اتركبت..طبعاً زعلنا فى البيت والموقف صعب اوى وعندنا فى البيت صورة كبيرة لمارجرجس والصورة دى بالذات(هو وعلى الحصان) زمان لما كنت مع والدتى ظهر لىً مارجرجس وطلب انى أشترى صورة له وشفت الصورة فى الحلم طلب انى أشترى الصورة وأضعها فى الشقة وعملت كل ذلك ولما جيت أنقل فى شقتى الجديدة ظهرلى تانى وطلب منى أشترى صورة تانية(نفس شكل الصورة)وأضعها فى الشقة الجديدة واشتريت صورة تانية ووضعتها فى الشقة والصورة دى هى موضوعنا ولما حصلت المشكلة صلينا كلنا قدام الصورة وقولت للقديس قدام الصورة:انت طول عمرك بتعمل معجزات كتير مع الناس ومعايا أنا كمان أرجوك رجّع الشنطة وأنا مش هانام لحد ما الشنطة ترجع لحد البيت النهارده.. وفوجئت الساعة واحدة بالليل وجرس الشقة بيرن والبواب على الباب(وأنا كنت مكلم البواب انه ميسيبش العمارة من تحت ويفضل أمام العمارة) ولقيت البواب بيقولى سواق التاكس تحت وجاب الشنطة والبواب أعطانى الشنطة ولقيتها زى ما هى(ولما زميلى فتح الشنطة بعد ذلك لم يكن بها أى شىء ناقص) والبواب قالى سواق التاكس عايز 10 جنيه وطبعاً من الفرحة أعطيته ال 10 جنيه وبقينا مستعجبين فى البيت هل بالسرعة دى استجاب مارجرجس ومش كان ممكن أى حد يركب التاكس وياخد الشنطة من غير ما السواق يعرف وازاى السواق كان مركز وعرف البيت لما لقى الشنطة وجاء لحد البيت. ومجدنا الله وشهيده العظيم مارجرجس سريع الندهة وعايز أقول ان مارجرجس بيعمل معايا ومع الأسرة معجزات دايماً وهو شفيع الأسرة كلها بالاضافة الى العذراء أم النور والبابا كيرلس السادس وسانت ريتا 
|
|
21 - 05 - 2014, 07:31 AM
|
رقم المشاركة : ( 4 ) | ||||
|
† Admin Woman †
|
رد: معجزة عملها معايا القديس العظيم مارجرجس
بركة مارجرجس تكون معنا
شكرا يا ناصر على المعجرة الجميلة دي |
||||
|
|
|
21 - 05 - 2014, 10:47 AM
|
رقم المشاركة : ( 5 ) | |||
|
..::| مشرفة |::..
|
رد: معجزة عملها معايا القديس العظيم مارجرجس
بركة صلاتة تكون معانا معجزة جميلة اوي
|
|||
|
|
 |
|
العرض العادي
