مرة كان فى راهب جديد وكان فى حرب شيطانية كبيرة اوى علية فراح عشان يسال اب متوحد فى البرية وقالة الحقنى يا ابويا انا فى صراع جامد اوى انا فى فكر شرير عن الجسد بيعذبنى فالراهب استغرب وقالة ازاى راهب زيك يجيلة فكر جسد انت متنفعش راهب انت لازم تنزل العالم تتجوز فخرج الراهب من عندة وهو زعلان اوى انة هيسيب حياة الرهبنة اللى بيحبها فربنا ارشد راهب تانى فى البرية انة يقابل الراهب دة ويكلمة فقابلة فعلا وقالة اية يابنى انت رايح فين قالة انا نازل العالم اتجوز فقالة لية قالة تتصور ان بيجيلى فكر شرير فى الجسد فضحك الراهب وقالة اية يعنى مكلنا بيجلنا فاستغرب وقالة ازاى واحنا رهبان فرد علية وقالة معشان احنا رهبان لازم نجاهد ونتمسك بالرهبنة ففرح الراهب ورجع ديرة تانى والراهب التانى صلى لربنا ان الحرب تقل من على الراهب وتروح للأب اللى قالة يروح يتجوز وفعلا حصل كدة وفي يوم نازل الراهب اللى صلى لربنا فقابل الاب المتوحد دة وقالة اية يا ابونا انت رايح فين قالة انا نازل العالم تتصور يابنى بعد 30 سنة فى البرية جالى فكر جسد شرير انا هنزل اتجوز فضحك الراهب وقالة هو عشان مجلكش فكر شريرعن الجسد قبل كدة دى مش قوة منك لكن الرب مسمحش بكدة عشان لازم نساعد الرهبان الصغيرين مش نخليهم يتجوزوا
03 - 06 - 2012, 06:46 PM
العرض الشجري