عن علاقة البابا كيرلس و الشهيد مارمينا بأبونا فلتاؤس

[بنت معلم الاجيال]

عن علاقة البابا كيرلس و الشهيد مارمينا بأبونا فلتاؤس .. قصة رهيبة
يحكي أبونا فلتاؤس :
بعد 12 سنة من سكناي في القصر القديم جائتني فكرة أن أخرج للسياحة في البرية الجوانية .. فطلبت من الأنبا ثاؤفيلوس أن يسمح لي بذلك فقال لي ( إستني يا إبني شوية))
ثم قابل البابا كيرلس القديس و أخبره بأمر فطلب البابا أن يراني فذهبت إليه و قال لي (يا إبني إحنا عايزينك تخدم معانا في دير مارمينا و تعمر هناك)) فقلت له ( بس أنا يا سيدنا فقير و غلبان و ماعنديش حاجة )) فقل لي سيدنا ( إسمع الكلام يا إبني و قول حاضر))
و فعلاً أطعت و رحت دير الشهيد مارمينا مع بعض الرهبان ..

و من هنا صرت لأبونا صداقة روحية مع قداسة البابا كيرلس و حبيبه الشهيد مارمينا..
و يحكي أبونا أيضاً :
و أنا في دير مارمينا كنت ماسك شغل المطبخ و نظافة الدير و كنت أقوم ليلاً و أكنس طرقات الدير و أمسحها دون أن يعرف أحد بذلك لأنني في الحقيقة كنت أحب مارمينا جداً
و كنا بنجيب المياه بتاعتنا عن طريق كارتة بالحمار من مكان يبعد 2 كيلو عن الدير .. و في يوم الحمار تعب جداً و تمرد علي أبونا و جري و ماقدرنا نربطه علي الكارتة ..
فقلت لأبونا خلاص سيب لي أنا موضوع المياه ده ..
فرحت بشجاعة كده و إبتديت أجر الكارتة مكان الحمار مسافة ال 2 كيلو دول و جبت المياه و رجعت للدير و انا جارر الكارتة برضه .. !!
و بعد ذلك قال لي أحد الآباء أن الشهيد مارمينا ظهر له و قال : (( له أنا مستحيل أنسي لأبونا فلتاؤس أنه حط نفسه مكان الحمار و جر الكارتة علشان يجيب المياه للآباء و للدير بتاعي ))

صلولنا الرب يحفظنا و يفرحنا