تزجت فى عام 1990 ورزقنا الرب بمارينا فى عام 1991 وتمت ولادتها بالمستشفى الايطالى وبعد حوالى 3 سنوات طلبنا الرب فى ان يرزقنا بطفل ثان ولكن لم يحدث ذلك0
طلبت منى زوجتى بأن تذهب الى طبيب ولكنى قلت لها حسب ايمانى ربنا موجود اطلبى شفاعة القديسين ربنا احن من البشر فقالت لى والطب ربنا هو اللى اوجده وده مش حرام واللى انت خايف على الفلوس قلت لها ربنا اداكى مارينا وغيرك مش لاقى وهو له حكمة 0
المهم هى صممت على ذلك وايه000 لازم تروح للدكتور المليجى فى باب اللوق هو احسن دكتور فى مصر تخصص امراض نساء.0
وتم الحجز عند الدكتور المليجى وبعد شهرين جه ميعاد الكشف وتم الكشف وطلب منى تحاليل وطلب منها اشعة بالسبغة المقطعية فى مستشفى ابن سينا بالدقى 0
وتم عمل الاشعات وقام بها الدكتور أحمد الحلوجى رئيس قسم أمراض النساء بمستشفى القصر العينى0
وذهبنا بالاشعات الى الدكتور المليجى بباب اللوق وكان ميعاد دخولنا اليه فى الساعى الثانية والنصف صباحا حيث العيادة مزدحمة بالناس من جميع المحافظات 0
واجتمع كنصلتو مكون من اربعة اطباء مساعدين على مستوى ومعهم الدكتور المليجى الذى قرر الاتى:
لايمكن حدوث اى حمل الا بأطفال الانابيب وكتب لنا عن طريق المساعدين العنوان وارقام التليفونات فقلت له ازاى وهى معاها بنت حاليا قل لايمكن حدوث حمل نهائيا واستحاله الحدوث حيث لاتوجد انابيب بالمرة فقلت له لو مفيش اولاد من أصله لايمكن ارضى باطفال الانابيب فقال انا قلت لك والكلام خلص قلت له هو انت ربنا وأخذت زوجتى ونزلنا من العيادة وهى شبه منهارة وانا اطيب خاطرها ببعض الكلمات0
وكانت كلمات مارينا لها كالسيف وهى تقول لها ماما انا عوزة ننه اشمعنى كل الاولاد عندهم اخوات وانا لا فكانت تقول لها اطلبى من بابا يسوع0
ومرت الايام عادية جدا ويوجد عندى صورة لقداسة البابا كيرلس فكانت زوجتى تقف أمامها وتصلى بدموع بشفاعته والشهيد العظيم مار مينا وبعد فترة من الزمن وجدت المدام بتقول انا عاوزة اروح لدكتورة امراض نساء فقلت لها تانى احنا مش سيبنا الموضوع ده على الله وشفاعة القديسين 0
فقالت لى معلش انا قلقانه من شى ورحنا للدكتورة وعملت لها تحليل وقالت لها مبروك انتى حامل لفت الدنيا بى وفى الحال كانت قدامى صورة البابا كيرلس الطوباوى وهو يبتسم 0
وكملت شهور الحمل وقرب موعد الولادة كنت ادور على مستشفى قريب منى ووجدت المستشفى وذهبت بمفردى لاقابل الدكتور وقابلت الممرضة وقالت لى يوجد 2 فقلت لها مين فيهم الشاطر فقالت لى الدكتور الحلوجى وكنت قد نسيت اسمه 0
فأخذت المدام وذهبنا لمقابلته وتوقيع الكشف عليها لتحديد فترة الولادة وتعرفت عليه وتذكر هو الاشعات التى عملها بمستشفى ابن سينا بالدقى فقال هذه معجزة استحالة 00000 اقصد انتى كان من المستحيل انك تحملى لانى انا اللى عملت الاشعة وانا من ضمن طاقم المساعدين للدكتور المليجى فقلت له كنا نصلى ونطلب شفاعة الباباكيرلس والشهيد مار مينا فقال ان كان كده يبقى ماشى هى فعلا معجزة ولكنى تعلمت منها درسا بان لا اقول لاحد من طول مافيه نفس انت مش هاتخلف0
وكان ذلك بعد مرور تسعة سنوات من ميلاد مارينا واسم الطفل مينا وهو فى سنة ثالثة ابتدائى الان0
ملحوظة: ان يشرف على الولادة الدكتور الحلوجى لم يكن بالصدفة ولكن لتتم المعجزة وتعلن عن شفاعة القديسين بكنيستنا وهذا ترتيب الهى والدكتورة التى اكتشفت الحمل هى الدكتورة / ماجدة اسكندر(امبابة ) وكنت فى زيارة لاهلى هناك
عنوانى هو 8 شارع الجباخنجى - منيل الروضة - القاهرة
اذكرونى فى صلواتكم وحدثوا بمجد الله بين الشعوب بعمل يد الله فى قديسية
