انا يارب بموت .

[بنتك انا]

بسم الثالوث القدوس
انا يارب بموت .. ابنك|بنتك تعبان
انت يارب مشيت 6 ساعات عشان السامريه
انت ذهبت لانسان 38 سنه محدش سأل فيه
يارب انا دموعى بقى ليها مجرى على خدودى
ابى ... انت فين ؟!!
هاين عليك يارب اكون حزين دا انا منقوش على ايدك
ليه يارب سيبنى ... ليه انت مشغول عنى أ
كيد في ملايين بس انت مهتم بكل واحد
انا مش قادر ابكى ولا اروح فين ولا اروح لمين
اه يازمن ... اه يادنيا
كفايه لطم فيّ ... كفايه تجريح فيّ
انا بقيت زى الموتي
انا محتاجلك يارب خبينى
انا يارب بردان ... انا خايف عايز اصرخ ومش لاقى حد يسمعنى
الناس باعونى الناس سابونى مش لاقى حد
خلاص خلاص كفايـــــــــــــــــــــــــــــــــــــــه
التجارب لوحتنى كفايه ياعينى دموع كفايه ياقلبى تنهيد
انا رافع ايدى اليك يارب سامعنى يارب ارحمنى ارحمنى


أحبائى
مهما طالت التجربه اكيد حاسس بيك وعارف قدرتك
ماتخافش مش هايسيبك دا ابوك السماوى هو بيحبك
دا انت ابنه ازاى يسيبك فى حتة تجربه ممكن تكون مُره ممكن تكون صعبه
لكن هاتنتهى ... ولو لم تنتهى اكيد لك بركتها ولها اكليل
ياأحبائى مافيش أحن منه دا لما يشوف دمعه صغيره نازله من عينك مايقدرش يتحمل
لازم يمد ايده ويمسحها من على خدك مافيش اطيب منه
حتى لو انسان وحش هو معاك لوهربان منه مثل يونان هو معاك
لو انكرته مثل بطرس هو هايجليك
لو حتى مثل قايين(ربنا يحفاظ علينا لااقصد طبعا)اكيد هايعطيك علامه ان لايمكن احد يؤذيك
ربنا يشرق شمسه على الابرار والاشرار معقول هايسيبك
اللى فداك على الصليب معقول يتركك وهو خالقك
ممكن تكون انكسرت ... ممكن اصبح ليس لك لازمه
لكن تأكد انك فى ايدى فخارى عظيم يقدر يخليك إناء جميل
ممكن أُناس باعوك هو عايز يشتريك
انت ياحبيبى ثمنك غالى ثمنك ليس فلوس ولادهب ولاماس ثمنك دم ثمنك مدفوع على الصليب
يارب يارب يارب يارب
يـــــــــــــــــــــــــــــــــــــــــــــــــ ــــــــــــــــــــــــــــــارب

منقول

[Mary Naeem]

شكرا على المشاركة المثمرة
ربنا يفرح قلبك

[بنتك انا]

ميرسى يامارى لمرورك ربنا يباركك