«امسك فلول» الإخوانية تدعو لشل حركة القاهرة باعتصام «إجباري» للمواطنين في المترو
المصرى اليوم
دعت حركة «إمسك فلول»، المقربة من جماعة الإخوان المسلمين، أنصار الرئيس المعزول محمد مرسي إلى تنظيم اعتصام غير ملحوظ ليكون اعتصام «مدني إجباري» في محطات للمترو، الأحد، بشكل يساعد في إنزال الخسائر في إيرادات الشبكة.
وأضافت الحركة، في دعوتها للحدث على «فيس بوك»، أن اعتصامهم سيبدأ من الساعة السابعة إلى العاشرة صباحاً ومن الثانية إلى الخامسة مساء، موضحة أنهم سيلعبون مع «الانقلابيين بذكاء... هانعطلهم حركة السير، لأن المترو هايبقى زحمة جدًا وبكدا هانشل حركة القاهرة ونعملهم اعتصام مدني إجباري، وفي الوقت نفسه، هانعملهم خسائر لأنك راكب 3 ساعات بجنيه واحد».
وتابعت: «هانلعب مع الانقلابيين بذكاء مش هانسيبلهم بلدنا مش هانسلملهم هانبقى أذكى منهم وهانعمل اللي عمرهم مايتخيلوه.. هاتقولولي إزاي ؟!!.. بص يا ثوري واسمعيني يا ثورية هانعملهم اعتصام مدني إجباري مسالم من غير ولا نقطة دم ومن غير كمان مايعرفوا بنعمله إزاي «وكمان مش هايكلفنا حاجة كل الحكاية تذكرة مترو بجنيه واحد».
وقالت «امسك فلول» إن المشاركين في الدعوة سينزلون «قبل معادنا بساعتين أو تلاتة وناخد لفة بالمترو بس كدة ولا حد عارفنا إحنا مين ولا معانا إشارة توضح هويتنا ولا هانهتف ولا هانقول نبقى ناس عادية جدا وها نقطع تذكرة مترو واحدة ونفضل راكبين بيها المترو لمدة 3 ساعات».
وأوضحت: «هاتقولي وأعمل أنا إيه بقي في الـ 3 ساعات دول.. أقولك ياسيدي .. طلع كتاب وأقعد اقرأ فيه، خليك انت وشوية من أصحابك واتكلموا في المواضيع اللي بتضيعوا عليها رصيد التليفونات وبالذات البنات أنا عارف.. منه توفير ومنه نقابل أصحابنا بدل الكافيهات.. طلع موبايلك واتصفح وشات على الفيس.. وإن ماعملتش كل دا أقعد استغفر ياسيدي وأذكر ربنا وأهو كله بثوابه.. هانقول للعسكر يسقط يسقط حكم العسكر بس من غير صوت من غير مايعرفونا».
تأتي هذه الفعالية ضمن جدول الفعاليات التي يعتزم أنصار مرسي تنفيذها على مدار شهر سبتمبر، والتي بدأت بما سُمي مظاهرات «الزحف إلى رابعة»، التي نظموها الجمعة الماضية، إضافة إلى الدعوة لإضراب عام في 22 من الشهر نفسه، على أن يشهد 6 أكتوبر المقبل «مليونية النصر»، حسب دعوات جماعة الإخوان.
14 - 09 - 2013, 12:09 PM
العرض العادي
