على باب السفاره .

[روشا الفرفوشه]

على باب السفاره .. لمحت إبليس و في إيده إستماره ..

بقوله على فين .. قاللي بص .. يا هجره يا إعاره ..

يا عم زهقت .. كفرت .. ألاقيش معاك سيجاره ..

أنا إنتهيت خلاص .. لا نافع وسواس ولا خناس

ولا ليا عيش وسط الناس ..

دي عالم مجرمين .. عندكوا فائض في الفساد ..

ومش محتاجين شياطين .. مليش عيش في دي بلاد ..

بقالي سنين عاطل .

و إنتوا بتعرفوا تقلبوا الحق باطل ..

و تسلكوا القاتل .. و تمشوا في جنازة المقتول ..

ومفيش مشاكل ..

يا عم ده أنا بقيت أوسوس بالمقلوب ..

وأقول للحرامي .. كفايه بقى توووووب ..

إنتا إيه .. لوحدك هاتعمل كل الذنوب ..

وبقا الواعظ إبليس .. ولا كمساري في أتوبيس ..

يا عم ده أنا زمان

كنت أستنى حد ينسى يسمي وهو بياكل لقمته ..

دلوقتي كل أكلكم ملوث .. وبصراحه الواحد خايف على صحته ..

ده مفيش ضمير أساساً علشان أموته ..

وكل واحد بمزاجه .. خربانه ذمته ..

يا عم ده كل حاجه إتسرقت ..

وكده الأجيال الجديده م الحراميه إتظلمت ..

يا راجل ده من كتر ما لطشت معايا ..

خرجت ف مظاهره مع الناس اللي بتقول كفايه ..

و برضه مفيش فايده ... !!!!

[Mary Naeem]

شكرا على المشاركة
ربنا يبارك خدمتك

[روشا الفرفوشه]

ميرسى على مشاركتك الجميله