محتارة ومش عارفة أعمل ايه؟

[+tina+]

انا بجد محتارة اوى وعايزة مساعدتكم
بابا وماما بيخافوا عليا اوى لدرجة انهم قفلوا عليا وخلونى مش عندى شخصية ومش عندى ثقة فى نفسى وخلوا كل قرايبنا يقولوا عليا انى معقدة وبقيت بخاف من كل حاجة انا بعملها علشان خايفة تكون غلط من كتر ما هما بيقولو على كل حاجة غلط وعيب وكمان موضوع تانى معلش انا بطول عليكم لكن بجد انا تعبانة ومش عارفة اعمل ايه ؟ وهو ان عندنا فى الكنيسة الناس عمالين يقولوا عليا انا واصحابى البنات ان احنا مش بنات وان اللى هيرتبط باى واحدة فينا هيكون اتجوز واحد صاحبة انا فى الاول كنت باخد الموضوع بهزار لكن دلوقتى بقى بيضايقنى اوى ارجوكم ساعدونى

[Mary Naeem]

خلي عندك ثقة فى نفسك
اغلب الآباء بيعملوا كدا
من الظروف اللي محيطه بينا
لكن دا مخلكيش مهزوزة او فاقدة الثقة
لا طبعا انت حاولي تكوني طبيعية واتعلمي من اللي حواليكي
حاول اندمجي مع اصحابك اللي فى الكنيسة
اتكلمي مع اب اعترافك
حاولي توصلي الاهلك انك كبرتي وتقدري تتحمل المسؤلية وميخفوش عليكي
وانك هتحكي ليهم اي حاجة قلقاكي
ربنا معاكي يا قمر

[+tina+]

ميرسى اوى يا مارى
بس اب اعترافى كلمهم كتيروانا كمان اتكلمت معاهم
بس مفيش فايدة

[ناردين]

عزيزتي....
اتقربي من اهلك وحاولي تجلسي معاهم وتتحدثي بكل ما في قلبك فاكيد هما راح يسمعوكي وشوي شوي راح يتغيروا...واهم شي تصلي لربنا يتدخل ويعطيكي تكوني حكيمه ومحبه لاهلك مهما حصلوا منهم... ربنا معاكي

[abanoub bushra]

المشاركة الأصلية كتبت بواسطة +tina+

ميرسى اوى يا مارى
بس اب اعترافى كلمهم كتيروانا كمان اتكلمت معاهم
بس مفيش فايدة

بصى يا تينا لو بتكلميهم ومفيش فايدة من الحوار

يبقى المشكلة انهم مش هيسمعولك ابدا فبلاش انتى التكلميهم

ممكن تخلى اب اعترافك هو اليكلمهم كمان شغلى عظات بتتكلم عن الثقة فى اللة

وكأنك شغلتيها صدفة وخليهم يتفرجوا معاكى هيسمعوا كلام الكهنة اكتر منك

بس اوعى تفتكرى عنهم اى حاجة غير انهم بيخافوا عليكى عشان بيحبوكى

ولما تيجى تخرجى مع صحابك عرفيهم انتى خارجة مع مين وكمان لازم يثقوا فى صحابك

جربى وشوفى

[كاتى]

اغلبيت الاهالى كده
بس انتى خلى عندك صقه بنفسك
حاول تقعدى معاهم وتتناقشى فى موضيع بتكلمو فيها
وكمان لما تخرجى مع حد من اصحابك قوللهم ومتخبيش عليهم

[ايريني]

بصي ياحبيبتي اوعي تفكري ان قفلتهم عليكي خنقة لا زي ما قال ابانوب دا خوف عليكي ولازم تحطي دا في فكرك واهم حاجة انتي ثقتك في نفسك متتهزش لانك انتي لو واثقة في نفسك مفيش اي كلام هيضايقك زي كلمة معقدة وانا لو ممكن اعرف ايه مدي تحكمهم فيكي بيمنعوكي مثلا انك تروحي الكنيسة او انك تكلمي اصحابك او انك تلبسي لبس معين

[+tina+]

لا الحكاية مش كده كل الموضوع ان مثلا انا مشتركة فى خدمة معينة والخدمة ساعات بتتطلب مننا اننا نسافر فى اماكن كتيرة بس جوه المحافظة بتاعتنا هما شايفين ان ده مش هينفع علشان الاحداث اللى بتحصل وكمان انا اصلا مش بخرج مع اصحابى غير الكنيسة وهما عارفين كل اصحابى لانى متربية معاهم

[ايريني]

طب اديكي انتي قلتي ان الخدمة بتتطلب سفر والاحداث صعبة يبقي لازم تقدري خوفهم عليكي لما تكوني نازلة خدمة زي كدة خلي امين الخدمة يكلمهم وانتي قوليلهم هبقي اكلمكم كل شوية علشان تطمنو عليا وكمان صلي وانا واثقة ان ربنا الا مسافرة علشان تخدميه هيسيبك وهيسهل كل امر مهما ان كان ربنا يبارك حياتك ويحفظك من كل شر

[femon]

البيت واثق فيكي بس الظروف الحاليه الحاصله في البلد بتخليهم خايفين وقلقانين عليكي ...اللي بيخلي الاسرة بتقلق وتخاف علي الشبان ..ماتخافش عليكي وانتي بنت وكمان بتقولي ان خدمتك بتخليكي بتسافري لاماكن كثيرة...اختي ضعي نفسك مكانهم علشان تحسي مدي الرعب اللي بيكونوا فيه وانتي خارج البيت...علشان ماتخليهمش يقفلوا عليكي ويمنعوكي من الخروج والخدمه ...ممكن تقعدي معاهم وتفهميهم خط سيرك ..اي مكان خدمتك وبينتهي الساعه كام ومافيش مانع انك تطمنيهم بالفون كل شويه,,,, كمان بلاش الخدمه اللي بعيده وربنا مش هيزعل لانه هيرسل مكانك خدام آخرين ...طمنيهم وهدي قلوبهم ..وبكده المسيح هيفرح بيكي واهلك هيثقوا بيكي...ربنا معاكي