عيد ميلاد تونى "اسكتش عن العطاء"

[Marina Greiss]

ده اسكتش بيتكلم عن العطاء ويناسب لو بنعمل احتفال باعياد الميلاد فى مدارس الاحد وهو بيتكلم عن اننا نعطى من اللى ربنا بيبعته لينا وهو عرايس جوانتى





عيد ميلاد تونى
الاب : يلة ياتونى علشان هاننزل نروح جنينه الحيوانات علشان هنتفرج علىالاسد والفيل والقرد
تونى : يااااااه انا بقالى كتير ماروحت ش اوكى يابابا وهجيب معايا الكورةعلشان نفسى العب اوى معاك واكسبك طبعا كالعادة
تونى : يلة ياماما حضرى 50 ساندوتش و20 علبة عصير
ماما : ايه ياتونى هو احنا هنبات فى الجنينة وله ايه وله انت عامل حفلةهناك
تونى : هههههههههه لا ياماما انا بهزر طبعا
الاب : يلة ياتونى شوط الكورة
تونى : هوووووب فوووووه ......ياااااه احنا لعبنا كتير اوى تاخد استراحةشويه
الام : يلة علشان تاكلوة شكلكوة جاعنين اوى اوى
تونى : اه فعلا جعانيين جدا
الام : خد ياحبيبى وخلص العصير كله

تونى : شكرا يا ماما ....انا هاروح اتمشى شويه واشوف قفص الزرافة وانا باكل
اه ياربى ده بكره عيدميلادى ومحدش افتكر يكلمنى لا مينا ولا مايكل ولا حتى ماما ابتدت تحضر التورتةالتلات ادوار ولا بابا قال محضرللك مفجاة انا حزين ومش عارف اعمل ايه يعنى انابكرة مش هحتف لبعيد ميلادى
الام : يلة ياتونى علشان نروح
تونى : حاضر ياماما انا جاى
تونى: من فضللك يارب خالينى اكون مبسوط بكره عيد ميلادى ولسه محدش افتكريعيد عليا ويكلمنى واشكرك انى بكره هيبقة عندى 6 سنين امينلما انام بقة
بابا : يله ياتونى اصحا علشان نروح النهارده عند تيتة علشان نشوفها
تونى : النهاردة لازم النهاردة يعنى يابابا ماتخليها يوم تانى
بابا : معلش ياتونى ياحبيبى مشهنتاخر
تونى : ماشى يلة
(صوت خبط على الباب )
الاب : ايه ده الظاهر مفيش حد هنا
تونى : ايه ده طيب هنعمل ايه
بابا : هنمشى يلة بينا
(يدخل تونى من بابا الشقة وفى نفسواحد happy birth to you
تونى : ايه ده .....ايه ده مش معقول ايه ده ديه مفاجاه حلوة اوى تورته اربعادوار ومايكل ومينا اصحابى وتيته كمان وايه الهدايا ديه انا مبسوط مبسوط اوى اوىوفرحان ده احسن عيد ميلاد حصلى فى حياتى
( ويغنوة الاغنيه وممكن الاطفا ل يغنوة مع العرايس happy birthto you)
مايكل : قول امنية فى السنة الجديدة
تونى : ( بصوت واطى انا نفسى السنة ديه يكون عندى عجلة )
ويطفوة الشمع هوف هوف (صوت مجمع هيه هيه هيه ويصقفوة )
بابا : ايه رايك فى المفاجأهه ديه
تونى : انا مبسوط اوى اوى علشانربنا استجاب لصلاتى بعد ماكنت حزين ومضايق خالنى اكون مبسوط
بابا : ياتونى بابا يسوع دايما بيسمعنا ودايما بيقف جمبينا
ماما : كل سنة وانت طيبه ياحبيبى
تونى : وانتى طيبه ياماما ياجميلة
تونى : لما افتح الهدايا ايه ده عربية بريموت كونترول اللله وايه ده مكعباتحلوة اوى اوى لما اشوف ايه ده كمان قطر انا عندى قطر ذيه اعمل ايه اعمل ايه
اه المس فى مدارس الاحد قالتلما يكون عندنا حاجة وحد ماعندوش نديلة من اللى عندنا انا ممكن ادى القطرة دهلفيلو صاحبنا فى مدارس الاحد علشان هو ماعندوش لعب
تونى : ازيك يافيلو عامل ايه
فيلو : كويس الحمد لله كل سنة وانت طيب معلش مقدرتش اجاى عيد ميلادك
تونى : ولا يهمك ....انا كنت عاوز اديك هديه صغيرة
فيلو : هديه ايه
تونى : قطر ....اصل انا عندى واحد تانى
فيلو : ايه ده قطر ميرسى ده كتيراوى ياتونى ميرسى خالص خالص شكرا جدا ياتونى
تونى : اشكرك يارب علشان انا كنت مضايق وانت خالتنى مبسوط وفرحان
واشكرك كمان لانك علمتنا فى مدارس الاحداننى احنا ندى من الحاجات اللى انت بتبعتهالنا ونفرح
اصحابنا معانا .... واشكرك لانك خاليت فيلو يكون فرحان وانامبسوط انى بسطة امين

[Mary Naeem]

شكرا على المشاركة
ربنا يفرح قلبك

[Marina Greiss]

ميرسى يامارى على مشاركتك