«إخوانيون» يرفضون تخوين «تمرد».. انتقاد من أعضاء الجماعة لـ«خديجة الشاطر».. ابنة نائب المرشد: متظاهر

[Mary Naeem]

«إخوانيون» يرفضون تخوين «تمرد».. انتقاد من أعضاء الجماعة لـ«خديجة الشاطر».. ابنة نائب المرشد: متظاهرو «30 يونيو» بلطجية وعملاء.. «سلمى»: كفاية تخوين.. «مى»: المصريون اعتادوا «العبودية»

المهندس
اتهمت خديجة خيرت الشاطر المشاركين بمليونية "30 يونيو" بالعمالة والخيانة، وذلك في تعليق لها عبر صفحتها بموقع "فيس بوك"، مؤكدة أن الشرعية مع الرئيس مرسي وأن الحلم سيكون معه وإن أخفق في تحقيقه، أما إذا أسقط فسيضيع الحلم.

وعقب تعليق "خديجة"، رد عدد من الإخوان على تعليقها، بعضهم طالبها بالكف عن تخوين الآخر، وآخرون طالبوا الرئيس بأن يشد على المصريين لأنهم "اعتادوا على العبودية".

وقالت خديجة خيرت الشاطر- نجلة نائب المرشد العام للإخوان المسلمين: "في مصر مشهد يفرح الأعادي، ويحزن قلب المصريين بصدق، لو محتار ومش عارف تفكر هو مين اللي صح وفين الحق، بص عالفريقين، واختار لنفسك تكون مع مين، بس يكون في بالك، حديث مرعب، من كثر سواد قوم فهو منهم".

وأضافت خديجة: "عارف يعني إيه، يعني لما تقف مع ناس فتكتر سواد ظلهم فانت منهم، عندك فريق واقف بيدافع عن الشرعية، وفريق بيطالب بإسقاط الرئيس، فريق الشرعية بيحلم بتطبيق شرع ربنا، واقفين بيصلوا ويدعو وأخلاقيات الإسلام بتحكمهم، وفريق تاني حبة واقفين بصور مبارك وابن كمال الشاذلي وصفوت الشريف، وحالات تحرش وخلافات في توزيع الكحكة من أولها".

وأكدت أن "الفريق الأول رغم سلميته وتحضره ومطالبته بلا للعنف، تلاقي الفريق التاني بلطجيته عماله تقتل وتبث الرعب وتصفي حسابات، تحرق مقار الإخوان وتطالب بإسقاط الرئيس اللي جاي عليها بخسارة ومعاه هتسقط كل الدولة، ونرجع تاني لنقطة الصفر من غير رئيس ولا مجلس شعب ولا حكومة، وفوضى في كل مكان وبلطجة واللا أمان، وافرحي فينا يا إسرائيل وأمريكا، واطفح يا شعب يا غلبان، بعد ما أخيرًا ملامح دولة بدأت تبان والنور بدأ يشقشق، جه فريق صعبان عليه نبدأ العمار، وقال يالا نخربها وعليّ وعلى أعدائي".

وقالت "خديجة": "ما هم كانوا خربينها سنين طويلة، واتعودوا على الخراب طالما فيه عذبة ينهبوا منها، وانت محتار بتفكر تكون مع مين، اعرف أن الفريق الأول حتى وإن كان مش على قدر أحلامنا، فمع الفريق التاني انت مش هتنام عشان تحلم، انت هتكون سبب في خراب مصر ونهايتها، لأنك ولو كنت بتعارض مرسي، عندك خارطة طريق لحياة حرة كريمة وحرية للمعارضة وآلياتها، أما مع حرامية مبارك اللي نهبوها سنين ورفضوا حتى يرموا للمصريين الفتات، هتكون بترجع بمصر للورا وبتحط أيدك في أيد خونة أيديهم ملوثة بدماء المصريين".

وذكرت في تعليقها: "قاعدين بيحرقوا ويقتلوا ويحاصروا العزل في بيوتهم وده كده من بدايتها، قبل ما تنزل 6/30 شوف عايز تكتر سواد مين علشان تعرف انت مين".

بدورها ردت "سلمى حسام": "بعيدا عن أني ضد النزول يوم 6/30.. بس كفاية تخوين للطرف الآخر".

وقالت "إيمي إبراهيم: "عشان كده الجانب الآخر عمره ما هيقبل يتوافق مع الإخوان، وعلى فكرة فعلا في ناس من اللي حضرتك بتقولي عليهم ولكن الناس العادية جدا اللي ملهاش علاقة لا بانتماءات ولا أحزاب هتنزل يوم 30".

أما "أحمد على درويش" فقال: "توجد مشكلة كبيرة عند الكثير من العوام للأسف في مفهومين عقائديين: أولهما مفهوم التوحيد وما يحمله من توحيد للألوهية والربوبية والأسماء والصفات والكثير من العلمانيين يكلفه انتماءاتهم الليبرالية والناصرية واليسارية عندهم مشكلة في عدم إيمانهم بشمولية الإسلام في كل مناحي الحياة ومن ثم فتوجد مشكلة خطيرة عندهم".

وأضاف: "ثانيا مفهوم الولاء والبراء أي ببساطة مع من تقف مع من يحب الدين ويسعى لتطبيقه حتى وإن وجد مشكلات في طريقه أو على الناحية الأخرى تقف مع أعداء الدين والفاسدين والإباحيين والفاسقين والنصارى واليهود.. هنا المشكلة الحقيقية ومع من تريد أن تقف؟".

وأوضحت "مي على": " أنا واثقة أن النصر للحق، بس أنا نفسي الرئيس يشد أوي أوي أوي.. المصريون اعتادوا على العبودية، لازم كده لحد بس ما تعدي المرحلة دي، ممكن بعد ٨ سنين تتغير العقلية لكن دلوقتي لا".