|
 |
 |
 |
|
رقم المشاركة : ( 1 )
25 - 06 - 2013, 05:17 PM
|
|||||||||||
|
|||||||||||
|
صوابعها الاربعة محروقين  كان في بنت البنت دي باباها راجل علي اد حاله (غفير) بس راجل يعرف ربنا وقلبه عمران بحبه لكن مامتها كانت ست ماشية فى طريق الشيطان ومنه بقيت غنية ومعاها فلوس كتير وتعرف ناس مهمين المهم باباها مات وفضلوا يلمولوا فى تمن الكفن يومين علشان يدفنوه وبعدها مامتها كمان ماتت لكن اتعملها احسن جنازة وناس من اهم الناس فى البلد حضرتها فالبنت فكرت تختار انهي طريق طريق باباها والمسيح + التعب ولا طريق مامتها والشيطان + الراحة والفلوس وقررت واختارت الطريق السهل ونامت وهي مقررة انها هتمشي فى الطريق ده وهي نايمة حلمت ان ملاك نزل من السما واخدها او بمعني اصح طارت معاه وراحت على السما وهناك لقيت قصورة كريستال وحاجات فى منتهي الجمال و...لقيت قصر طالع منه ريحة بخور تحفة وموسيقي تجنن وشافت باباها فى القصر ده قالها انا هنا مع المسيح وياريت تبقي معايا وتمشي فى طريقي فرحت اوي واتمنت انها تمشي فى طريق ابوها وبعدها اخدها الملاك وقالها تعالي اوريلك مامتها فين راحت لمكان مظلم وفي بير طالع منه نار وبير طالع منه دود وبرميل يترفع وكل ماينزل تسمع حد بيقول اه وسمعت صوت امها بتقولها متمشيش فى طريقي وطلعيني ساعديني قالتلها يا امي النار حامية ومش طيلاكي حتي شوفي وبتمد ادها ليها صحيت من النوم ولقيت صوابعها الاربعة محروقين قامت جري علي ابونا وباعت اللي وراها واللي ادامها وراحت على الدير البنت دي صوابعها لحد النهاردة محروقة يارب ادينا نسلك الطريق الضيق اعنا واحمينا من الشيطان قربنا ليك المس قلوبنا محتاجينك ومحتاجين روحك جوانا ادينا نعمل لاجل ملكوتك ولاجل مانشوفك ونملي عنينا بيك امين 
|
 |
|
العرض العادي
