آنستي: لهذه الأسبااااااااااااااااب مازلتِ عااااااااااااااازبة

[femon]

آنستي: لهذه الأسبااااااااااااااااب مازلتِ عااااااااااااااازبة

“لماذا مازلتُ عازبة؟”، سؤال يداهمك آنستي بين الفينة والأخرى. والجواب عليه يستوجب منك مصارحة الذات والجرأة في الكشف عن الأسباب الحقيقية لهذا الوضع. وفي هذا المقال سنفصح لك عن بعض من هذه الأسباب التي تقف عائقا أمام دخولك قفص الزوجية. الخوف من التجربة: تنصتين كثيرا لتجارب غيرك، وتسقطينها على نفسك لذا يزداد خوفك من الارتباط وتفقدين الفرص بدون علم. وهذا خطأ كبير إذ لكل واحدة قصتها التي يجب أن تكتبها بشخصيتها المتفردة وتجاربها في الحياة. فدعك من الناس وهمومهم وعيشي تجربتك الخاصة. حبك القديم لم يرحل من قلبك مازالت الآمال معلقة على حب قديم، قلبك لم يتوقف بعد عن الخفقان لشخص لم يعد موجودا إلا في ذاكرتك. وعندما يتحول هذا الإصرار على الوفاء لحب انتهى بالنسبة للطرف الآخر فهذا يعني أنك تدمرين نفسك ببطء.
فمتى ستفكين نفسك من العزلة وتفتحين قلبك لغيره. عملك يستهلك جل وقتك تنغمسين كل يوم في عمل يأخذ منك الكثير من التفكير والجهد، وتقضين جل وقتك في بذل طاقتك في هذا العمل. هدفك الأسمى هو حصد النجاح المهني وتخشين من أن يعرقل الزواج مسارك المهني. من الطبيعي إذن أن تكوني لحد اليوم عازبة. تنتظرين فارس أحلام افتراضي هل ما زلت تؤمنين بعالم حالم من الرمانسية وتنظرين فارس الاحلام الذي سيأخذك إلى هناك. استيقظي إذن فالحياة لها قاوعد غير تلك التي قد نراها في أفلام مفرطة في تسويق الوهم. عيشي الواقع بكل ما فيه من لحظات سعيدة وأخرى سيئة، وأما إذا قررت البقاء في برجك العاجي، فلا داعي لانتظار عريس لن يأتي. إذا كنت تعتقدين بأن هناك أسباب أخرى تقف حاجزا بينك وبين الزواج، فشاركيها معنا.

[Mary Naeem]

فيه اسباب كتير غير كدا
اهمها الظروف الاقتصادية
اغلب الشباب لغاية ما يكونوا انفسهم بيكون سنهم كبير
ولما بيحبوا يتزوجوا بيختاروا البنات صغيرة السن
ولذلك نجد اغلب أللي عدى سنة 30 سنة بتكون الفرص قليلة جدا بالنسبة ليهم
وساعات كتير ميكنوش هما السبب فى تأخر الزواج بتكون اسباب كثيرة
ومنها
ان مثلا العريس هيعيش فى بيت اهله
طبعا بنات كتيرة ترفض ذا وانا معاهم علشان المشاكل
ممكن يكون أللي تقدم أنسان عديم الشحصة
فالفرص بتضيع واحدة بعد الأخر لغاية سن معين نجد أنها فرصة زواجها قلت
ودا مش ناتج انه عيب فيها لا
دا نصيب
ربنا يفرح قلب كل بنت يارب ويعطيها إللي بتتمناه
شكرا يا فيمون على الموضوع الرائع

[يسوع حياتى]

الاسباب كتيرة اوى زى ماقالت مارى

ان الوالد بيبقى سنه كبير وعاوزة بنت نونو لسة

ماشى دا من حقه طبعا

عشان كدا بتلقى البنت اللى دخالة فى التلاتين او فى اواخر العشرينات مش بتلقى فرصة اوى

ولو لقيت بتبقى فرصة مش كويسة بالنسبة ليها

شكرا للموضوع

[كاتى]

زى مقالو اللى قبلى ظروف الشباب اليومين دول لحد ميكون نفسه بيكون سنه كبر
بس ده غصب عنه طبعا علشان لحد ميكون نفسه ده مش سهل والايام دى بذات
وبعدين ياريت يختار وحده متقاربه لسنه لا بيختار وحده اصغر منه بكتير
وده غلط ده بسبب مشاكل كتير بعد الزواج

ميرسى فيمون لمشاركتك الجميل
ربنا يبارك حياتك

[femon]

ميرسي لمروركم العطر اخوتي
وأرائكم الرائعه الرب يفرح قلوب الجميع
وكمان ماننساش المغالاه في متطلبات اهل العروسه التي تفوق مقدره الشباب
تكون كثيراً من الاسباب التي تؤدي الي عزوف الشباب عن الجواز

[ناردين]

موضوع جميل عاشت الايادي يا غالي فيموووون

[femon]

المشاركة الأصلية كتبت بواسطة ناردين

موضوع جميل عاشت الايادي يا غالي فيموووون

ميرسي لمرورك العطر اختي ناردين
الرب يبارك خدمتك

[بنتك يايسوع]

فعلا فى اسباب كتير بس اهمها اللى ذكرتها فى الموضوع
كمان اهل البنت احيانا بيزودوها فى طلباتهم
او يرفضوا ان بنتهم تتجوز فى بلد بعيده او مش يعجبهم العريس
اوقات بتبقي البنت موافقه بس الرفض من اهلها
مع ان المفروض هى اللى هاتعيش مش هما

كمان زي ما قالوا اللى قبلى الظروف الماديه للعريس بتفرق اوى
خصوصا عند اهل البنت عشان بيكونوا حابين انهم يطمنوا على بنتهم

الفرق بينهم فى التعليم يعنى ممكن هى مخلصه جامعه وهو دبلوم
فا بيبقي صعب انها توافق عليه عشان ممكن تحس انه اقل منها

فرق السن كمان بيفرق بس مش فى الغالب لانه دلوقتى
اى واحد حتى لو كبير بيتجوز بنت صغيره طالما ظروفه الماديه كويسه

كل ده بيتوقف على تفكير البنت واهلها وبعدها تفكير الولد