ورحت لربنا وقلتله وقع

فرونكا · رقم المشاركة : ( 1 ) 27 - 05 - 2013, 11:41 AM

رحت لربنا وأنا ماسك ورقه ومكتوب
(.............الأسم ........)
1-التعليم
2-الشغل
3-الجواز
4- صحتي
5-مالي
ومليت شوية حاجات وفي آخر الصفحه كتبت التوقيع

ورحت لربنا وقلتله وقع

ضحك الرب وقالي ده أنا لسه هجبلك ورقه زيها دلوقتي .... قلتله وريني كده
عطاني الورقه وبصيت لقيت مكتوب في أول الصفحه
حياتك وفي النص 3 جمل (أي شئ - أي وقت - أي مكان) وفي آخر الصفحه التوقيع

قلتله دي مفيهاش بنود دي ورقه بيضاء قالي أيوه أديني حياتك وأنا همشيها زي ما أنا عايز
قلتله طب نتناقش قالي ماشي

سألته بلهفه وقلتله ماذا كتبت في هذه الورقه مرض السرطان
رد وقالي وقع بس

قلتله طيب لو كتبت أني أكون فقير
قالي وقع بس

قلتله طب لو كتبت موت الأبن
قالي وقع بس

قلتله طيب ماذا لو كتبت وحيد ... فراش المرض ... موت الأم ...منبوذ ... مسجون ... عبد ... مهان ...حزين .... مكسور
قالي وقع بس

ده طلب ربنا لحياة كل واحد فينا ... لو أنت من الناس اللي بيقول أنك بتصلي بس صلاتك مش مستجابه يبقي أنت

كنت عامل زيي وجايبله لسته وعايزه بس يوقع

لكن الله جايبلك ورقه فاضيه وبيقولك وقع

يمكن يكتب مرض ووحده بس أكيد هيبعت تعزيه وطمأنينه ويمكن يسمح بألم بس لو أنت سلمتله ومشيت تبع

خطته وقلتله أنا معاك (أي شئ - أي وقت - أي مكان)

تأكد من حاجه واحد بس واحده وأكيده وتجربه 1000000000000000000% أنك عمرك في لحظه ما هتندم

ورحت لربنا وقلتله وقع