مكتبة افكار للخدمة

[بنتك انا]

ياريت لو حد عندة افكار جديدة تتعمل فى الايام الروحية وفى المؤتمرات (للشباب الجامعى) يقولها لو بس كل خادم وخادمة تكتب الى فى كنيستها هانعمل مكتبة افكار
صلوا من اجل ضعفى

[بنتك انا]

طيب انا هابدا الاول
اليوم الروحى عندنا بيبقى لكنيسة او دير بنحضر القداس وبعد كدة راحة شوية وبنقسم الاسر
وكل اسرة تختارلها اسم ليها او شفيع وكل خادم وخادمة يكونو مسئولين عن اسرة ممعينة
اول حاجة بعد القداس بيكون فى فطار بسيط
وبعد كدة بتبقى فقرة التعارف بتبقى عبارة عن ورقة مكتوب فيها يحب قراءة الكتاب المقدس
يحب الصلاة مدمن انترنت لا يحب القراءة عصبى ........................الخ
بس والى يتعرف على حد كل منهم يكتبوا اسمهم فى الخانة الى تناسبة وبعد مايتعرفوا على بعض
بتبقى فى فقرة اسمها حدد شخصيتك عبارة عن اسئلة وبعد ما الكل يجاوب عليها فى الورقة بعد ما يخلصوا بنقول كل اجابة معناها اية يعنى شخصية اجتماعية شخصية منطوية...............كدة
بعد كدة بتبقى فى وعظة بتتكلم عن حاجة معينة يعنى مثلا النجاح اهمية وازاى نكبرة ........
(الوعظة لكل الاسر) بعد كدة بتبقى فى فقرة للاسئلة للاب الكاهن الى حاضر وبيجاوب عليها
وبعد كدة فى راحة بتبقى فيها (بيبقى معانا كاميرا فيديو وبنصور اطرف حاجة فى حصلت فى الريست وبنعمل زى نظام مزيعين ومزيعات وبنسالهم اسئلة ويجاوبوا عليها واية الى عجبهم انهاردة واية الى معجبهمش للولاد والبنات وبعد كدة بتبقى فى فقرة للرسم بتبقى فى لوحة مرسومة وكل اسرة تلون الرسمة بتاعتها وبعد ما يخلصوا الاب الكاهن يختار اى اسرة فازت
وبتبقى فى هدايا حلوة
بعد كدة بيبقى فى غدة للكل وراحة
فى اخر اليوم بيتعرض زى نشرة صغيرة على كل الى حصل فى اليوم بتبقى صغيرة وحلوة
يعنى حتة من القداس وبعد كدة وعظة الاب الكاهن وبعد كدة المسابقات الى اتعملت والموافق الى حصلت فى فترة الريست وبتبقى جميلة جدا