|
 |
 |
 |
|
رقم المشاركة : ( 1 )
29 - 04 - 2013, 08:46 PM
|
|||||||||||
|
|||||||||||
|
لقاء حصري مع اسبوع الالام! *سيداتى سادتى اعزائي واخوتى وابائي ورؤسائي فى منتدى الكنيسه ارحب بكم فى برنامجى الجديد "لقاء حصري"فقط لدى قناة منديات الكنيسه ستكون حلقاتنا القادم مع شهود عيان هؤلاء الشهود كانوا بايام اسبوع الالام وهؤلاء الشهود سيقصوا علينا احداث اليوم الذى يخصهم.. ونبدأ من بوم جمعة ختام الصوم: ضيفنا غريب حبتين لكن هيحكيلنا ايه اللى بيحصل فى يومه وهو زيت الزيتون!! *صديقي وضيفي العزيز "زيت الزيتون"هل يمكن ان تحكى لى وللحاضرين معنا ماهى قصة يوم الجمعه معك؟ *زيت الزيتون:اكيد طبعا..بصوا بقي معايا وركزوا كويس اوى..انا جيت النهارده علشان احكى لمك حكايتى..انا مش مجرد زيت الناس بتستخدمه فى الاكل وبس فى جمعة ختام الصوم ابونا بيستخدمنى ويصلي صلاه مميزه اوى اسمها سر مسحة المرضي.وهى سر من اسرار الكنيسه السبعه ومش بيتعمل طول السنه فى الكنيسه..الا فى جمعة ختام الصوم ومينفعش اى حد يعملو لازم اب كاهن والسر ده بيتعمل علشان يشفي المرضي وبعد ما يعمل الصلاه دى بيرشم الناس بيه ..يرب تكنوا استفدتوا منى انا:زيت الزيتون *بنشكر أ\ زيت زيتون على شرحه المبسط والجميل ليومه يسوم جمعة ختام الصوم.  *ودلوقتى احنا فى طريقنا ليوم السبت وضيفى الثانى هو....هو..هو يوم السب نفسه مش محتاج يعين حد علشان يحكى عن نفسه..اذن..عزيزي وضيفي:السبت احكلنا قصتك *فى البدايه احب اهنى كل اللى بيتفرجوا علي دلوقتى,,هبتدى اشرح..نركز بقي للاسف..الناس كانت حزينه جدا المفروض لما انا اكون موجود .. الناس بتكون مرتاحه لكن انا جيت وهما متضايقين وتعبانين. *معلش هو حضرتك ممكن توضح اكثر. *حاضر..فى قريه بيت عنيا الناس كلها كانت زعلانه..فهمت ان لعازر مات ..هو اساسا كان مريض ..فى الوقت ده اخته مريم بعتت ليسوع علشان ييجي علشان هى عارفه ان المسيح كان بيحب لعازر اوى. لكن الظاهر ان السيد المسيح اتاخر وماجاش عير فيه انا(يوم السبت) ..كان لعازر مات اتدفن وبقالة 4 ايام فى القبر كمان...ولما وصل بكي يسوع..لكن امر الناس انها ترفع الحجر منعلى الباب ..وصرخ بصوت عالى:"لعازر..هلم خارجا" بس كده لاص..وفعلا لعازر قام وخرج من القبر بعد ما قعد فيه 4 ايام وانا من بين كل الايام اختارنى انا السبت علشان يعمل المعجزه العظيمه دى. *بنشكر أ\سبت على شرحه ليومه اللى فعلا خلاه المسيح يوم عظيم.  *بنهاية يوم السبت نبتدى يوم من اهم ايام الاسبوع المبارك ده وهو يوم الحد..ضيفنا النهارده هو الحمار اهلا ياأ\حمار..اعتقد ان اصحابنا ومشاهدينا الكرام عارفين ايه احداث حد الزعف بحذافيرها ولكن احنا عايزين نسالك عن شعورك و انت فى موكب الملك كان ايه؟! *الحمار:قصتى تبتدى من قبل الموكب ده من زمان من اول ماصاحبي اشترانى وانا قاعد ولا ليا شغله ولا مشغله ولكن ما لقيت حد بيفكنى انا وماما ف... *لحظه واحده لحظه واحده انا ومين..وماما ايوم دى المعلومه اللى اكيد اكتركوا ميعرفهاش وهى ان اناومامتى احنا الاتنين المسيح ركب واحد وخله واحد جنبه حتى الانجيل يقول على اتان وابن اتان وده كان لان المسيح مش عطوف على البنى ادمين وبس لكن على الحيوان كمان مراعاة لاحساس الام انها متفقدش ابنها وللابن انه ميفقدش امه اخدنا احنا الاتنين. *انا عن نفسي مكنتش عارفها وكويس ان حضرتك قولتهلنا..اتفضل كمل.. *الحمار:وبعد ما اخدنى انا ومامتى بقينا فرحانين جدا وقول ماالمسيح اخدنا عرفنا ان هوالحنين العطوف الرحوم اللى كل الناس كانت بتتكلك عنه..طبعا انتوا عارفين الباقي. *احنا بنشكرك خالص يا أ\حمار لتعبك معانا..  اعزائنا المشاهدين نرجو ان نكون اسعدناكم وتكونو استفدتم من برنامجنا..متفتكروش ان برنامجنا خلص لا انتوا نسيتوا النهارده ايه النهارده الاتنين ... بعد الفاصل لقاء حصري جدا مع شاهد عيان من يوم الاتنين...انتظرونا. 
|
|
27 - 03 - 2017, 07:01 AM
|
رقم المشاركة : ( 3 ) | ||||
|
..::| الإدارة العامة |::..
|
رد: لقاء حصري مع اسبوع الالام!
ميرسي على الموضوع الجميل مارى
|
||||
|
|
|
27 - 03 - 2017, 01:08 PM
|
رقم المشاركة : ( 4 ) | ||||
|
† Admin Woman †
|
رد: لقاء حصري مع اسبوع الالام!
شكرا على المرور |
||||
|
|
 |
|
العرض العادي
