متكونيش «مليانة» وتلبسى ضيق.. يعنى «حلّى ديفوهك»

[Mary Naeem]

متكونيش «مليانة» وتلبسى ضيق.. يعنى «حلّى ديفوهك»




الصدر الكبير، الأرداف العالية، الأجناب الممتلئة، البطن المترهل، مشكلات أو «ديفوهات» تواجه الكثير من السيدات والفتيات، فيقعن فى حيرة عند اختيار الملبس المناسب لإخفاء الديفوه.. غادة يوسف «ستايلست» تنصحك بعدم إخفاء ديفوهك، بل إظهاره بشكل جميل عن طريق اختيار الملابس المناسبة. تقول «غادة»: «مشكلة الأرداف والأجناب الممتلئة من أشهر الديفوهات الموجودة فى الست المصرية، بسبب طبيعة الغذاء وعدم ممارسة الرياضة، والولادة المتكررة، وأحيانا تكون مشكلة مرضية بسبب خلل ما فى الهرمونات يؤدى إلى امتلاء أجزاء فى الجسم». وتضيف: «يمكن إخفاء الديفوه عند بعض السيدات أو معالجته عند البعض، لكن هناك سيدات يكُنَّ ممتلئات بشكل لا ينفع معه إخفاء الديفوه، وفى هذه الحالة، أنصحهن بارتداء ألوان مبهجة أو وضع أكسسوار بشكل معين، حتى تخطف الألوان والاكسسوار العين أكثر من الديفوه». تتابع «غادة»: «المشكلة اللى باقابلها عند بنات كتير إنها بتكون ممتلئة ولابسة ضيق جداً، ده أكبر غلط، لأنك بتظهرى عيوب جسمك بشكل صريح، وهناك اعتقاد خاطئ بأن ارتداء الغوامق يساعد على إظهار الجسم بحجم أقل، ولكن بالعكس، الغوامق تضفى جوا من الكآبة، ومن المستحب ارتداء ألوان فاتحة حتى ولو كانت السيدة بدينة». وتقدم «غادة» مجموعة من النصائح: «بالنسبة للبنت القصيرة وعندها مشكلة مع الجيب ممكن تلبس جيب لكن تكون فوق الركبة أوفوق الأنكل، والبنت اللى عندها منطقة الجذع قصيرة ما ينفعش تلبس حزام عريض لكن ممكن تلبس حزام رفيع، وإذا كانت طبيعة شغلك فى نطاق المكاتب والشركات والبنوك فالبدلة أنسب حاجة لك، أما إذا كانت طبيعة شغلك تحتاج للحركة والنزول للشارع طوال اليوم فاختارى الملابس (الاسبورتيف) الخفيفة والمريحة، وبالنسبة للسهرات والحفلات اختارى ملابسك على حسب المناسبة، فلو عشاء عمل اختارى فستاناً أو (تيير) وتجنبى السواريه، أما إذا كان عشاء مع زوجك فممكن ارتداء فستان بسيط من الشيفون، ولو فرح لشخص قريب جداً ممكن ارتداء السواريه، وضعى فى اعتبارك أيضاً أثناء اختيار الملابس طبيعة المكان». «غادة» أكدت فى نصائحها أيضاً على البساطة «فالبساطة هى أقصر طريق للأناقة، خلى البساطة دايماً عنوانك فى لبسك ومكياجك حتى فى ارتداء السواريه، مش لازم علشان رايحة حفلة أو سهرة إنه يكون فيه بهرجة وشغل كتير فى الفستان والدليل على كلامى لو تابعنا النجمات العالميات فى حفل الأوسكار هنلاقى إنهم بيركزوا على الخامات أكتر من التركيز على وجود شغل كتير فى الفستان».