26 - 03 - 2013, 05:28 PM
|
|
|
|
† Admin Woman †
|
|
|
|
|
|
حصل موقف غريب اوي معايا .. لحد دلوقتي مش قادر اصدقه
رحت اقضي كم يوم خلوة في الدير .. وفجأة نفسي هفت عليا اشرب سجارة
جريت استخبيت من قدام الرهبان وولعت سجارة .. مانا لو كنت ولعت قدام حد فيهم كانوا ادوني درس في الاخلاق وطردوني من الدير علي طول
المهم وصلت لمكان مفهوش حد ورحت ولعت السجارة
خدت نفس في التاني وفجأة حسيت ان فيه صوت حد ماشي
قلقت جدا وحسيت ان فيه حد جاي عليا
وبعد كده لقيت الصوت اختفي
قولت اكيد الهوا هز فروع الشجرة
تاني يوم لقيت الرهبان عماله تديني مطانيات
استغربت اوي .. قولت ايه هو ده
فكرتهم شوية ممثلين بيمثللوا عمل جديد وبيهزروا
لقيتهم رهبان بجد بيدوني مطانيات .. لان ابونا المسئول عن المبيت كان معاهم
مفهمتش حاجه .. سألت راهب كبير اوي في السن كان قاعد بعيد
بقوله ايه اللي هما بيعملوه ده
راح صلالي ولقيته بيقولي انت حد عملك عمل ان اي راهب تحت سن الستين هيشوفك هيديلك ميطانية وهيفتكرك اسقف
فكرته بيهزر .. لقيت كل الرهبان شايفاني كده فعلا
واول ما قربوا جمبي قالوا لأبونا الراهب الكبير ده
انت ازاي قاعد في وجود سيدنا الأسقف
لقيت التاني قام وقف
الموضوع ده اتكرر كتير في الدير
كنت هموت واولع سجارة بس معرفتش
مفيش اساقفه بتشرب سجاير
فضلت متقمص الدور قدامهم
ولما بكون لوحدي بعمل كل اللي انا عاوزة
اي حاجه نفسي فيها بعملها
واول ماواحد منهم يجي اجري اعمل نفسي بصلي
واني قديس علي الارض
لحد ما في اخر يوم ليا في خلوتي
لقيت الرهبان بتعدي جمب مني عادي ولا كأنهم شايفني
فجريت سألت ابونا العجوز قولتله ايه ده هو العمل اتفك ؟؟
ضحك وقالي انا والرهبان حبينا نديلك درس
انت مش بتتعدل غير قدامنا
خد بالك يابني فيه اللي شايفك ليل نهار
ياترى لو مثلت علي الناس هتعرف تمثل عليه ؟؟؟
بتجري تستخبى مننا كل يوم علي اننا مش شايفينك
وتيجي قدامنا تصلي وترتل وتصوم
مش احنا اللي هنحاسبك يابني
احنا هنتحاسب زيك
عايز تعمل اي خطية اعملها في المكان اللي ربنا مش هيشوفك فيه
قولتله طيب ماهو ربنا في كل مكان
قالي يبقي التوبة تكون في كل مكان
هب لي يا سيدي ان انبت ولو ورقة واحده خضراء في غصن جسدي الذابل
حتي عندما اقابل شخصك القدوس وتسألني عن حساب وكالتي
يكون لي ما اقدمه لك ... يكون لي ما يشفع لي امامك
قصة لـ مايكل سامي
( مجرد قصة للعبرة ... ليست حقيقية )
|
