كذبة القسمه والنصيب

[شيرين عزيز]

لما تكون الدنيا دي ضلمه وتلاقي حب ينورها
تفرح يجرح زمنك قلبك ويبعده عن اللي أختارها
كله في زمنك قسمه نصيب نصيب بيفرق ويوفق
وحزنك يفضل فيك مسجون بمليون أسباااب تتلفق
ترضي وتقبل وتقول ماشي وتفضل ماشي في درب طويل
لكن يفضل ساكن فيك حب يبكي قمر الليل


تسهر تبكي وتشكي بوجعك وتبقي في دمعك انت غريق
يضحك زمنك تيجي تعاتبه يقولك منك كنت برئ
العيب منك شوف كام سنك وقلبك لسه دا أعمي وجاهل
راح بالساهل حبك منك لأنك جاهل أوي وتستاهل
ليه محاولتش ليه مقدرتش سكت وقولت بعادنا نصيب
ورضيت تبقي ضحيه وذكره وقولت دا بكره أنا جرحي يطيب
.................................................. ...


هل فعلا الفراق دا قسمه ونصيب ولا الانسان قادر فعلا انه مايسمحش لأي ظروف تفرق بينه وبين حبيبه ولو أتفرقوا يبقي دا تقصير من أي طرف من الطرفين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ياريت أعرف رأي حضراتكم في الموضوع ده

منقوول</b></i></u>

[كاتى]

موضوع رااااااائع ياقمر
بس انا لحد دلوقتى معرفش قسمه ونصيب دى كلام كده وخلاص ولا هيا حقيقى فى كده
بصى هو انا اللى اعرفه انه ممكن يكونو مختلفين فى حاجات ومعرفوش يكملو او محدش قدر يتنازل منهم

[virgen mary]

اعتقد ان عندا مفيش حاجه اسمها قسمه ونصيب لكن فى اراده ربنا وطول ما احنا بنصلى ربنا بيختار الاصلح لحياتنا

شكراااااا شيرى

[femon]

المشاركة الأصلية كتبت بواسطة virgen mary

اعتقد ان عندا مفيش حاجه اسمها قسمه ونصيب لكن فى اراده ربنا وطول ما احنا بنصلى ربنا بيختار الاصلح لحياتنا

شكراااااا شيرى

كلامك صح ياكوكي
ربنا يبارك خدمتك
وميرسي ياشيري للمشاركه الرائعه

[Mary Naeem]

شكرا يا قمر
القسمه والنصيب؟؟؟؟؟؟؟؟؟؟؟؟؟؟؟؟