القصيده دى مش قصتى انا
دة قصة كل حد فاكر ان المكيفات حلوة
حد فاكر انها مش بتتعب بتأئر بتموت
................................
أنــــا كنت فعلا مش راضى
أحكيلكـــوا عن سر الماضى
لكن عشانكم أنـــــا ح أحكى
ويــارب مايجيش ع الفاضى
بـــــدأت حكايتى فى اعدادى
والله يسامحه الــــــواد شادى
مشيت معاه مسألتش يــــــوم
آخرتها ايـــــــــــه السكه دى
فى ركــــن ضيق فى النادى
نــــــــادانى مره الواد شادى
من جيبه طلع علبه و
قــــــال
ولع عشان تبقى ريــــــاضى
وأقول له لأه مــــا بشربشى
يقوللى خـد مـــــــا تهرجشى
خليك جـدع متخافشى أومال
دى واحده يـاد ما تضركشى
وواحــده واحــده بقت عادى
وبقيت ادور علـــــــى شادى
وعشــــــان ارد جميله بقيت
اشترى السجاير من عند بخيت
اعدادى ثانوى وفى الجامعه
نــــار المزاج فضلت والعه
الصحة راحت يوم ورا يوم
وانا اللى كنت زمـان شمعه
كل اللى بـــــالصدفه قابلنى
ادانى أكبر مـــــــــــن سنى
والكيف بـــــلانى بشلة سوء
وصحــــاب كتير بعدم عنى
فتحت معايــــــا ومادريتشى
حشيش وبـــانجو ماعديتشى
جربت كـل جديد فى السوق
بصراحه يعنى مـــاخليتشى
وف ليله سوده ومشؤمــــــه
تعبت ودخلت ف كومـــــــه
وفوقت علـى أصوات بتقول
الفرصه صعبه ومعدومـــــه
أطبه من كـــــــــل تخصص
دا يعـــــد نبضى ودا محتار
وفـى الايدين ل تنين محاليل
وصناعى كنت أنـــــا بتنفس
أكبر حكيم قــــــــــــرب منى
أنــــــا قلت جـــــــاى يطمنى
طبطب علىّ برقه وقـــــــــال
أنــــــا يــــــابنى زيك مستنى
قدمنا كــــــل اللى معانــــــــا
لكن دواك مش ويــــانـــــــــا
دواك بـــــــايد اللى مــــابينام
وبــــــــايده موتنا ومحيانـــــا
كــــــان يابنى قصدك تتكيف
اسود صــــــــــــدرك واتليف
حـــــاولنا فيك بطلوع الروح
نلحــــم ونــــــــوصل ونأيف
شرايين فــــــــــؤادك مسدوده
والكليه ساقطـــــــــه ومهدوده
أيـــــــــــام حياتك يابن الناس
ع الدنيـــــــــــا فرط ومعدوده
وادينى عـــــــــــــايش بالامى
بحسب واعـــــــــــد ف أيامى
