القبول مش استسلام القبول هو أول خطوة حقيقية للتغيير

[walaa farouk]

القبول مش استسلام.. القبول هو أول خطوة حقيقية للتغيير.
لما ترفض الألم، بتتحول حياتك لمعاناة. لكن لما تقبل بحر مشاعرك
وأفكارك وتعترف بوجودهم، بتدي لنفسك فرصة تختار:
إيه اللي هتركز عليه وتكبره، وإيه اللي هتعديه.
عايز تساعد طفل يكتب؟ اقبل الأول إنه لسه بيتعلم.
عايز تعلم حد السواقة؟ اقبل إنه هيغلط.
عايز تساعد نفسك؟ اقبل نفسك بكل أفكارك، مشاعرك، وتصرفاتك.
يعني إيه تقبل؟
💙 تعترف بوجود المشاعر والأفكار ومن غير ما تجلد نفسك.
💙 تسلم إنك ما تقدرش تغير اللي فات،
بس تفتكر إنك المسؤول الوحيد عن رد فعلك في الحاضر وشكل مستقبلك.
💙 تفهم إنك مش هتعرف تسيطر على أمواج البحر..
بس تقدر تطور إمكانياتك في الإبحار عشان تسيطر على مركبك وتستمتع بالرحلة.
الماضي عدا، والعالم مش بإيدك تعدله.. بس الاختيار دايماً اختيارك.