العلاقات علشان تبقى صح وتمشي صح لازم تمشي بـ 3 قواعد أساسية

[Ramez5]

العلاقات علشان تبقى صح
وتمشي صح لازم تمشي بـ 3 قواعد أساسية
"ماينفعش ولا واحدة منهم تقع":
1️⃣ القاعدة الأولى: الهدف (إنت رايح فين؟) 🎯
العلاقة زي القطر اللي رايح من "إسكندرية للقاهرة" (السما).
لو حد قاعد جنبك في القطر وحكاياته عجبتك،
ما ينفعش تنزل معاه "بنها" وتنسى هدفك!
فا أي علاقة سواء (جواز، صداقة، خدمة) لازم تقربك للسما،
مش تبعدك عنها. حتى تربية ولادك، الهدف منها تطلعهم "قديسين"
مش مجرد دكاترة ومهندسين
.
2️⃣ القاعدة الثانية: الأسلوب (مفيش غير "المحبة") ❤️
كلمة واحدة بس في القاموس: المحبة.
مع اللي بيحبك واللي بيكرهك، مع الكبير والصغير.
والمحبة يعني عطاء مش أخذ، وتسامح،
واهتمام حقيقي بالناس.
3️⃣ القاعدة الثالثة: الحكمة (المسافات والحدود) 📏
دي بقى أهم حتة! العلاقات زي "مفاصل الجسم"،
ربنا حاطط بين العضمتين "سائل"
عشان ما يخبطوش في بعض ويحصل تآكل
.
في الجواز: الحب مش يعني تحكم وتملُّك.
لازم يكون فيه ثقة ومسافة تحترم حرية التاني
. بلاش تفتيش في الموبايلات ومراقبة،
لأن ده بيحول البيت "لعضمتين بيخبطوا في بعض"
.
في التربية: ابنك لما يكبر، دورك كـ "رقيب" بينتهي.
لازم تتحول لـ "صديق" . التحكم الزيادة
بيخلي العيال "ممثلين وكدابين" عشان يهربوا من سيطرتك
.
بره البيت: لازم تتعلم تقول "لأ" في الوقت الصح
فيه حدود في الكلام، في اللبس، وفي الوقفة. حتى "الفيسبوك
والتلفزيون" محتاجين حدود عشان ما يسرقوش عقلك
.
نصيحة أخيرة: لو اللي قدامك "أناني" ومش بيديك حب،
ما توقفش الحنفية من عندك.
اشحن من "حنفية الحب اللي فوق" (ربنا) ودلق عليه،
وكمل مشوارك لأن ده "صليبك" اللي هتاخد عليه إكليل.
خليك دايماً فاكر:
حرية + حب + حكمة + حدود = علاقات مرتاحة وما بتوجعش.❤❤❤❤🙏

أبونا داود لمعي

[Mary Naeem]

شكرا على العظة
ربنا يفرح قلبك