كتير الواحد بيكون عايز يتكلم ومش بيلاقى حد مهتم انه يسمعه
كل واحد فينا عنده كنز جواه "مشاعره" وعنده رغبه ان يشارك بنفسه
وانه يكون مسموع ومفهوم
وجميل جدا لما تحس انك مش لوحدك بتتألم وان فيه آخرين
مشاركينك فى رحلة الحياة
فكرة الموضوع انك تعتبر نفسك بين اسرتك اللى مهتمة جدا
تسمعك, تحاول تنفتح وتعبر (فى اى وقت وكل ما تحب) عن اعمق :
احلامك , طموحاتك , آمالك (بحلم ب..... , بتمنى أنى ....)
اشتياقاتك (مشتاق جدا انى .....) (وحشنى .... , وحشتنى .......)
مخاوفك (خايف من..... , انا مرعوب من ......)
رغباتك,احتياجاتك (محتاج أ..... )
الآمك (ندمان انى ....), (مجروح .....) (قلبى وجعنى من .....)
فرحك , غضبك , غيرتك ...الخ
تقدر تعتبره موضوع متجدد للخواطر الشخصية القصيرة
او اى خبرة شخصية تخصك انت ,
وبما انها بتخصك انت شخصيا فيُفضل ميكنش كلام منقول,
متتكسفش انك تعبر عن اللى جواك بأسلوبك الخاص ,
مش لازم تكون شاعر ولا بتعرف تكتب , قول اللى جواك وخلاص
,بأى اسلوب تحب تعبر بيه
واسمحولى اقلكم ان الموضوع لا يحتمل التهريج ,
لأن مشاعر كل واحد والآمه شخصية ومستحقة الاحترام الكامل
مش موضع هزار او اعتراض او انتقاد من حد
اتمنى تكون الفكرة مفهومة وتلاقى قبول
منقوووووووول للامانه
