|
 |
 |
 |
|
|||||||
 |
|
|
أدوات الموضوع | انواع عرض الموضوع |
|
رقم المشاركة : ( 1 )
15 - 06 - 2026, 09:45 AM
|
|||||||||||
|
|||||||||||
|
سيرة الشهيد سامح محسن من شهداء دير الأنبا صموئيل المعترف الحادث الاول 👑👑 الاسم✍️ سامح محسن فهمی السن✍️ 38سنة و5شهور تاريخ الميلاد ✍️ 2/12/1978 الاب ✍️ الشهيد محسن فهمي الام ✍️ سامية عدلى ابراهيم مصابة الزوجة ✍️ سهام عادل رزق مصابة الاخوات ✍️ 👈 الشهيد هاني محسن والد الشهيدة مارفي هاني 👈اشرف محسن 👈نورا محسن مصابة الابناء ✍️ 👈مینا سامح محسن 👈فام سامح محسن الشغل ✍️ حاصل ع دبلوم تجاره واتعلم مهنه الكهربا فنی صیانه اول في شركه سيتي ستارز صفاته ✍️ كان محبوب جدا من زملائه وكان المهندسين دايما يعتمدوا عليه في شغلهم لدرجه كانوا بيقولوا.. انك بقيت اشطر مننا كان بيحب الخدمة جدا والكنيسة كل حياته الخدمة (الكوتشنج)✍️ كان دايما يقول نفسي اخدم اكتر من كده مسك خدمه جديده جدا في الكنيسه قبل الاستشهاد ب۳ شهور اسمها الكوتشنج و كان بيروح بنفسه أماكن بعيده يجيب الاولاد من بيوتها وكان مصاريف الخدمه كلها من جيبه كان رافض تماما ياخد من الكنيسه اي مصاريف للخدمه كان بيقولي كله منه 🌺 ودي اقل حاجه اعملها لربنا بالرغم من ضعف مرتبه لكن بيحاول يدي اللي معاه للخدمه كانت الخدمة ضعيفه جدا لكن هو لم ييأس وفضل لحد ما كون فصل كامل👌 وده كان قبل الاستشهاد بأسبوع واحد ولما نزل الاجازه كان فرحان جدا ويقول لزوجته شفتي ربنا اهي الخدمه ابتدت تكبر انا نفسي اخلي كل اولاد ربنا يعرفوا يقروا ويكتبوا عشان يعرفوا كلامه انا نفسي اعمل حاجة محدش عملها 💝 وبعد استشهاده شباب الكنيسة كملت الخدمة التي اسسها الشهيد واعترفوا بالعمل الشاق الذي كان يقوم به الشهيد كلمات للشهيد قبل الحادث✍️ ويوم حادث طنطا قال لزوجته لتعزيتها احنا منطولش نبقي زيهم محدش يطول يبقي شهيد🤔 قبل الحادث بلحظات من زوجته ✍️ الشهيد سامح محسن كان مقرر عدم الذهاب للرحلة لانه متعود مابيروحش رحلات لكن لأن والده الشهيد محسن كان رايح و لأن الشهيدة مارفي هاني ابنة اخيه ألحت عليه يروح فوافق عشان خاطرها وخاطر والده وانا قاعده ف الباص قبل ما نتضرب بربع ساعه سامح نام وهو نايم اننا كنت ببصله لقيت وشه منور وفي صوت في وداني بيقولي اتشجعي جوزك مضروب بالنار والصوت اتكرر اكتر من مره لدرجه رشمت الصليب كتير وبرضه الصوت يتكرر وكان هو ده سبب اني صحيته ورجعنا اول الباص وبعدها فهمت🤐 وقت الحادث (الأسد الجبار) ✍️ في بدايه ضرب النار من الإرهابيين احنا فكرنا الباص بيولع فكان هو و الشهيد هاني أخوه بيحاولوا یکسروا الباب عشان ننزل منه لكن مجرد ما هو شافهم حاول الشهيد هاني يوقفه لكن هو رفض وزقنا وفي لحظه لقيناه فتح الباب ونزل هو وقفل علينا ولك أن تتخيل ازاي ينزل وهو واثق انه خلاص وسايب أولاده ومراته وساب العالم كله وراه ولقيت الارهابي بيقوله اشهد ياكافر بكل شجاعه رفع ايده اللي فيها الصليب وشاور علي الصليب اللي في ايده وقاله وده اوديه فين وكان اول واحد استشهد💪 وهو الوحيد في الباص ال ربنا اختاره انه يكون في وش الإرهاب الجبان لانه عارف قلبه وعارف قد ايه هو شجاع لان كنا قاعدين في آخر الباص وقبل الاستشهاد بدقایق رجعنا قدام وكان ربنا بيختار ال هيشتغل بيه لانه لما قفل الباب كانت ايد ربنا اللي قفلت الباب لانه بعده الباب مرضيش يفتح لأنهم حاولوا كتير يفتحوه عشان ياخدونا لكن مفتحش وكان واقف وماسكه ورافض اننا نتبهدل 👌 اول معجزة للشهيد سامح محسن و الشهيد صديقه وأخو زوجته هاني عادل ✍️ زوجة الشهيد سامح تحكي يوم الأربعين بالليل اليوم ده كنت مطلعه آخر صوره اتصورناها أنا والشهيد هاني وهو قبل الضرب بثواني معدوده كنت عمالة اعيط والمهم.. هنا سابوني ليه وكان الرصاص اللي في رجلي من يوم الحادث خلاص من كتر ما أنا مش باخد علاج الجرح وصل للعفن لان الرصاص كان قاطع رجلي من الناحيتين لدرجه اخواتي شمت ريحة رجلي بقت محدش مصدق اني دي. ممکن تخف تاني وصمموا اني اروح للدكتور الصبح وانا كنت رافضه تماما من كتر الحزن فقاعده وببص لصورتهم وقالهم انتوا ارتحتوا وسبتوني ليه ما أنا كنت في وسطيكم كنتوا اخدتونی طب انتوا هنا معانا زي مابيقولوا ولا لا وفجأه لقيت دموع اخويا الشهيد هاني نازله من الصوره وحسيت انه غمض عنيه وفتحها لكن انا كذّبت عنيا وقولت اكيد من كتر العياط. وفجأه حسيت بأيد سامح اتحركت ومسك مكان الجرح انا اتخضيت جدا لدرجه اني مشيت من المكان لكن المفاجاه كانت الصبح انا لقيت الجرح خف تمام مش موجود منه غير علامتين صغيرين خالص💞 معلومات عن الشهيد ✍️ الشهيد سامح جسده بقرية 3 الكرمة التابعة لابراشية ببا والفشن مع شهداء نزلة حنا والفشن وابونا سمعان شحاتة اذكرنا امام عرش النعمة أيها الشهيد وصلى من أجلنا. 
|
|
|
العرض العادي
